देशात कोरोना रुग्णसंख्येत वाढ होत असून सर्वाधिक रुग्ण महाराष्ट्रात आढळले आहेत. तर नागपुरमध्ये कोरोना रुग्णांची संख्या एक हजाराच्या पार गेली आहे. नागपुरमध्ये गेल्या २४ तासांमध्ये १ हजार ४६१ कोरोनाबाधितांची नोंद झाली आहे. त्यामुळे प्रशासन सतर्क झाले असून नागरिकांनी काळजी घेण्याचे आवाहन करण्यात येत आहे.
नागरपूरमध्ये २४ तासांमध्ये १ हजार ४६१ नवे रुग्ण आढळले आहेत. तर एकूण ४९७ नागरिकांनी कोरोनावर यशस्वी मात केली आहे. त्यामुळे आता नागपुरमधील सक्रिय रुग्णसंख्या आता ५ हजार ५०० वर पोहचली आहे. तर १५० कोरोनाबाधित रुग्ण रुग्णालयात दाखल झाले आहेत. रुग्णालयात शासकीय आणि खाजगी मिळून जिल्ह्यात ८ हजार ०६६ बेड कोरोना रुग्णांसाठी राखीव करण्यात आले आहेत. नागपूरमधील एकूण कोरोना रुग्णांपैकी ९८ टक्के रुग्ण हे गृह विलगीकरणात आहेत तर २ टक्के रुग्ण कोविड रुग्णालयात दाखल आहेत.
देशात पुन्हा एकदा कोरोना विषाणूच्या रुग्णसंख्येत वाढ होत आहे. देशात गेल्या २४ तासात २ लाख ४७ हजार ४१७ नव्या कोरोनारुग्णांची नोंद झाली. त्यामुळे देशातील कोरोनाबाधितांची सक्रीय रुग्णसंख्या ११ लाख १७ हजार ५३१वर पोहचली आहे.
