France Car Accident: फ्रान्सच्या परदेशातील ग्वाडेलूप प्रदेशातील सेंट-अॅन शहरात ख्रिसमसच्या तयारीदरम्यान मोठा अपघात घडल्याने परिसरात भीतीचे वातावरण पसरले आहे. शुक्रवारी संध्याकाळी एका अनियंत्रित कारने मार्केटमध्ये जमलेल्या नागरिकांना धडक दिली. या दुर्घटनेत 10 जणांचा मृत्यू, तर 19 लोक जखमी झाल्याची माहिती स्थानिक प्रशासनाने दिली. काही जखमींमध्ये मुलांचाही समावेश असल्याचे समोर आले आहे.
सेंट-अॅनमधील टाउन हॉल आणि चर्चच्या समोर असलेल्या व्यस्त पादचारी मार्गावर ख्रिसमस मार्केटची तयारी सुरू होती. अनेक कुटुंबे, दुकानदार आणि स्वयंसेवक सजावट करण्यात व्यस्त असताना अचानक कारने गर्दीला धडक दिली. रेडिओ कॅरेब्स इंटरनॅशनलच्या माहितीनुसार, 10 बळींचा घटनास्थळीच मृत्यू झाला. इतर जखमींना तातडीने रुग्णालयात हलवण्यात आले असून तिघांची प्रकृती चिंताजनक आहे.
हेही वाचा – Blue Tick Case: एलोन मस्क यांच्या मालकीच्या ‘एक्स’ला 1080 कोटींचा दंड; काय आहे नेमकं प्रकरण?
चालकाला अटक
दरम्यान, कार चालकाने घटनास्थळीच पोलिसांसमोर आत्मसमर्पण केले असून त्याला ताब्यात घेण्यात आले आहे. काही प्रत्यक्षदर्शींनी चालकाला वैद्यकीय आपत्कालीन स्थिती आल्याचे सांगितले, मात्र याबाबत अद्याप अधिकृत माहिती उघड झालेली नाही. स्थानिक महापौरांनी याला “अतिशय भीषण शोकांतिका” म्हणत पीडित परिवारांप्रती संवेदना व्यक्त केल्या.
हेही वाचा – Mass Shooting at South African Bar: दक्षिण आफ्रिकेतील बारमध्ये अंदाधुंद गोळीबार; 3 मुलांसह 11 जणांचा मृत्यू
सोशल मीडियावर संताप, एलोन मस्कची प्रतिक्रिया
10 dead as a car is driven into a Christmas market preparation crowds in France’s Guadeloupe. Legacy media silent. pic.twitter.com/MlITDYQ372 — Tommy Robinson ?? (@TRobinsonNewEra) December 6, 2025
अमेरिकन उद्योगपती एलोन मस्क यांनी देखील या घटनेवर प्रतिक्रिया देत ‘पुन्हा एकदा…’ असे म्हणत अपघाताचा व्हिडिओ शेअर केला. त्यांची पोस्ट काही वेळातच चर्चेचा विषय ठरली. ग्वाडेलूपमधील ही घटना जर्मनीतील मॅग्डेबर्ग येथे गेल्या वर्षी घडलेल्या कार-हल्ल्याची आठवण करून देणारी आहे. त्या घटनेतही ख्रिसमस मार्केटमधील गर्दीवर कार चालवण्यात आली होती. फ्रेंच अधिकाऱ्यांनी लोकांना अफवांपासून दूर राहण्याचे आणि अधिकृत तपास पूर्ण होईपर्यंत संयम बाळगण्याचे आवाहन केले आहे. ख्रिसमसच्या काही दिवस आधीच झालेल्या या शोकांतिकेमुळे ग्वाडेलूपमध्ये शोककळा पसरली आहे.
