मुंबई : सध्या राज्यात अर्थसंकल्पीय अधिवेशन सुरू आहे. अशातच राज्याचे उपमुख्यमंत्री एकनाथ शिंदे काल, सोमवारपासून दिल्ली दौऱ्यावर गेले आहेत. तर दिल्लीतही संसदेचे अधिवेशन सुरू आहे. अधिवेशन काळात उपमुख्यमंत्र्यांनी दिल्लीत जाणे यावरून विरोधकांना मात्र आयतं कोलीत मिळालं आहे. राज्यातील महायुतीचं सरकार जरी भाजप, शिवसेना, राष्ट्रवादी काँग्रेसचं असलं तरी तिन्ही पक्षाचे पक्षश्रेष्ठी हे दिल्लीत पंतप्रधान नरेंद्र मोदी आणि गृहमंत्री अमित शाह आहे, असा टोला ठाकरे गटाचे खासदार संजय राऊत यांनी लगावला आहे. त्यामुळे राज्यात काय सुरू आहे, पुढे काय करायचे, या चर्चांसाठी शिंदे हायकमांडला भेटत असल्याचा टोला संजय राऊत यांनी लगावला आहे. तर केंद्राचं, राज्याचं अर्थसंकल्पीय अधिवेशन सुरू असताना उपमुख्यमंत्री एकनाथ शिंदे नेहमीच शिवसेनेच्या खासदारांना भेटण्याकरता दिल्लीला जातात, असं विधान शिवसेनेचे मंत्री शंभूराज देसाई यांनी केले आहे. त्यामुळे विरोधकांचे आरोप बिनबुडाचे असल्याचे त्यांनी म्हटले आहे.
दरम्यान, एकनाथ शिंदे दिल्लीत आज, मंगळवारी पंतप्रधान नरेंद्र मोदी आणि गृहमंत्री एकनाथ शिंदे यांची भेट घेणार असल्याचे सांगितले जात आहे. सध्या त्यांनी दिल्लीत उपस्थित असलेल्या शिवसेनेच्या खासदारांची भेट घेतली असून त्यांच्याशी चर्चा केल्या असल्याची पोस्ट सोशल मीडियावर शेअर केली आहे.
? #नवी_दिल्ली | नवी दिल्ली येथे संसदेच्या अर्थसंकल्पीय अधिवेशनाच्या पार्श्वभूमीवर #शिवसेना खासदारांची काल महत्त्वपूर्ण बैठक घेण्यात आली. या बैठकीत अधिवेशनातील विविध कामकाज, अर्थसंकल्पावरील चर्चा तसेच देशासमोरील सध्याच्या आव्हानांच्या पार्श्वभूमीवर पक्षाची भूमिका याबाबत सविस्तर… pic.twitter.com/i32701aRrz — Eknath Shinde – एकनाथ शिंदे (@mieknathshinde) March 17, 2026
