पटना : आरजेडीचे अध्यक्ष आणि माजी मुख्यमंत्री लालू प्रसाद यादव पुन्हा एकदा चर्चेच्या केंद्रस्थानी आले आहेत. यावेळी कारण त्यांचे कोणतेही राजकीय विधान नसून, नातवंडांसोबत परदेशी सण ‘हॅलोवीन’ साजरा केल्याचा व्हिडिओ आहे. हा व्हिडिओ सोशल मीडियावर व्हायरल झाल्यानंतर भारतीय जनता पक्ष (BJP) संतप्त झाली असून लालूंवर भारतीय संस्कृतीचा अपमान आणि तुष्टिकरणाची राजकारण केल्याचा आरोप केला आहे. बीजेपीचा ने म्हटले आहे "महाकुंभला फालतू म्हणणारे आता विदेशी सण साजरे करत आहेत."
भाजपाच्या किसान मोर्चाच्या अधिकृत सोशल मीडिया अकाऊंटवरून पोस्ट करत लिहिले गेले आहे "बिहारच्या लोकांनो, विसरू नका, हेच ते लालू यादव आहेत ज्यांनी आस्था आणि अध्यात्माचे भव्य पर्व ‘महाकुंभ’ फालतू असल्याचं म्हटलं होतं. आणि आता हेच लालू यादव परदेशी सण ‘हॅलोवीन’ साजरा करत आहेत." बिहारमध्ये निवडणुकीचं वातावरण तापलेलं असताना, राजकीय नेते एकमेकांवर हल्ले करण्याची कोणतीही संधी सोडत नाहीत. अशा पार्श्वभूमीवर लालू यादव आणि त्यांच्या कुटुंबाचा हॅलोवीन सेलिब्रेशनचा व्हिडिओ राजकारणात नव्या वादाला तोंड फोडू शकतो.
रोहिणी आचार्यने पोस्ट केला व्हिडिओ
लालू यादव यांची कन्या रोहिणी आचार्य हिने आपल्या सोशल मीडिया अकाऊंटवर एक व्हिडिओ पोस्ट केला आहे, ज्यामध्ये संपूर्ण कुटुंब हॅलोवीन साजरा करताना दिसत आहे. या व्हिडिओमध्ये लालू यादव आपल्या नातवंडांमध्ये आनंदाने हसताना आणि मस्ती करताना दिसतात. काही मुलांनी डरावने मुखवटे आणि पोशाख घातले आहेत, तर तेजस्वी यादव यांची मुलगी कात्यायनी हॅलोवीनच्या खास पोशाखात दिसते. हा व्हिडिओ व्हायरल झाल्यानंतर अनेकांनी लालूंच्या उत्साही स्वभावाचं कौतुक केलं, तर काहींनी भारतीय परंपरेच्या विरोधात वागल्याबद्दल त्यांच्यावर टीका केली.
महाकुंभ विधानावरूनचा वाद पुन्हा पेटला
याआधी प्रयागराज महाकुंभ दरम्यान लाखो लोकांनी पवित्र स्नान केलं होतं. त्यावेळी लालू यादव यांना महाकुंभाबद्दल विचारले असता त्यांनी म्हटलं होतं "अरे, याचा काय अर्थ आहे? फालतू आहे कुंभ." त्यांच्या या वक्तव्यावर अनेक धार्मिक संघटना आणि राजकीय नेत्यांनी तीव्र प्रतिक्रिया व्यक्त केली होती. आता, ‘हॅलोवीन’ साजरा करणाऱ्या या व्हिडिओमुळे तोच जुना वाद पुन्हा उफाळून आला आहे. भाजपाने या प्रकरणाला निवडणुकीच्या पार्श्वभूमीवर “संस्कृती विरुद्ध तुष्टिकरण” अशा स्वरूपात मांडण्यास सुरुवात केली आहे.
