जय महाराष्ट्र न्यूज, मुंबई
केंद्र व राज्य सरकारने शेतक-यांची फसवणूक केली. सरकारच्या चुकीच्या धोरणांमुळे शेतक-यांच्या आत्महत्या वाढल्या आहेत असा आरोप शेतकरी स्वाभीमानी संघटनेचे नेते राजू शेट्टी यांनी केला आहे.
येत्या 20 ऑक्टोबरला राज्यभरात पोलीस ठाण्यांवर शेतक-यांचे मोर्चे काढण्याचा निर्धार शेतकरी कर्जमुक्ती परिषदेत करण्यात आला.
निवडणुकीपूर्वी पंतप्रधान नरेंद्र मोदींनी शेतकऱ्यांना कर्जमुक्त करण्याचे तसेच शेतीमालाला उत्पादन खर्चाच्या दीडपट हमी भाव देण्याचे आश्वासन दिले होते.
मात्र, ते आश्वासन मोदी विसरले असल्याचेही राजू शेट्टी म्हणाले.
