गुजरात, १७ मे २०२३, प्रतिनिधी : भाजपचे राष्ट्रीय अध्यक्ष जेपी नड्डांच्या जवळचा माणूस असल्याचं सांगत एका व्यक्तीनं ६ भाजप आमदारांना फोन केला, मंत्रीपदाचं आमिष दाखवून या भाजप आमदारांकडून पैसे उकळण्याचा प्रयत्न केला. नीरजसिंह राठोड असं फसवणूक करणाऱ्या आरोपीचं नाव आहे त्याला गुजरातच्या मोरबीतून अटक करण्यात आली आहे.
महाराष्ट्रात अनेक दिवसांपासून शिंदे भाजप सरकारच्या विस्ताराची चर्चा सुरू होती, त्यातच स्वत:ला जेपी नड्डा यांचे पीए म्हणवून घेणाऱ्या नीरजसिंह राठोड यांनी महाराष्ट्रातील अनेक आमदारांना फोन करून मंत्री करण्याची चर्चा केली. एवढेच नव्हे तर नड्डांचा आवाजात त्यानं फोनही केले.
नागपूरचे भाजप आमदार विकास कुंभारे यांना या प्रकाराचा फोनही आला होता, त्यामुळे कुंभारे यांनी नागपूर पोलिसांशी संपर्क साधून फोनवर घडलेला प्रकार पोलिसांना सांगितला. कुंभारे यांच्या तक्रारीवरून नागपूर पोलिसांनी गुन्हा दाखल करून तपास सुरू केला. नागपूर पोलिसांनी कॉल काढला. नीरजचा तपशील. कर त्याला गुजरातमधून अटक केली. यासोबतच त्याने आतापर्यंत किती आमदारांना फोन करून पैसे मागितले याचीही माहिती पोलिस घेत आहेत.
