MHADA Pune Lottery 2026: पुणे शहरामध्ये स्वतःचे हक्काचे घर खरेदी करू इच्छिणाऱ्या नागरिकांसाठी म्हाडाच्या पुणे मंडळाने अत्यंत आनंदाची बातमी आणली आहे. मंडळाकडून तब्बल 4,462 घरांच्या विक्रीसाठी अधिकृत सोडत जाहीर करण्यात आली आहे. विशेष म्हणजे, खासगी विकासकांच्या (बिल्डरांच्या) गृहप्रकल्पांमधील 20 टक्के सर्वसमावेशक गृहनिर्माण योजनेतंर्गत येणारी परवडणारी घरे म्हाडाच्या माध्यमातून प्राप्त करण्याची ही नागरिकांसाठी अंतिम संधी ठरणार आहे, कारण यापुढील काळात ही योजना महापालिकेकडे हस्तांतरित केली जाणार आहे.
घरांचे वर्गीकरण आणि उपलब्ध पर्याय
या सोडतीमध्ये विविध उत्पन्न गटांनुसार एकूण 4,462 घरांचा समावेश करण्यात आला आहे:
20% सर्वसमावेशक गृहनिर्माण योजना: 2,971 घरे
15% सामाजिक गृहनिर्माण योजना: 1,491 घरे
नोंदणी, अर्ज भरण्याची प्रक्रिया आणि महत्त्वाच्या तारखा
या सोडतीसाठी ऑनलाईन अर्ज नोंदणीची प्रक्रिया आज, 24 ऑगस्ट रोजी दुपारी 12:00 पासून अधिकृतपणे सुरू झाली आहे. सोडतीशी संबंधित सर्व नियम आणि माहितीपत्रक आज दुपारी 3:00 वाजल्यापासून म्हाडाच्या अधिकृत संकेतस्थळावर उपलब्ध करून दिले जाईल.
ऑनलाईन अर्ज व शुल्क भरण्याची अंतिम तारीख: 15 सप्टेंबर (रात्री 11:59 पर्यंत)
RTGS / NEFT द्वारे बँक पेमेंट मुदत: 16 सप्टेंबरपर्यंत
अर्जांची प्रारूप (तात्पुरती) यादी: 29 सप्टेंबर (संध्याकाळी 7:00 )
स्वीकृत अर्जांची अंतिम यादी: 8 ऑक्टोबर (संध्याकाळी 7:00 )
लॉटरीची अधिकृत सोडत (निकाल): 13 ऑक्टोबर (सकाळी 11:00)
हेही वाचा – LPG Rules: स्वयंपाकाच्या गॅसबाबत केंद्र सरकारचे नवे निर्देश; 'या' भागातील LPG कनेक्शन होणार रद्द
असा करा अर्ज
इच्छुक अर्जदारांना घरांच्या किमती, आकारमान आणि परिसराची संपूर्ण माहिती म्हाडाच्या अधिकृत वेबसाईटवर पाहायला मिळेल. नागरिक आज दुपारी 12:00 पासून आवश्यक अनामत रकमेसह ऑनलाईन अर्ज सादर करू शकतात. पुण्याच्या मोक्याच्या ठिकाणी अतिशय वाजवी दरात घरे उपलब्ध होणार असल्याने हजारो पुणेकरांचे स्वतःच्या हक्काच्या घराचे स्वप्न प्रत्यक्ष साकार होण्यास मदत होणार आहे.
