Samay Raina Girlfriend Photo: स्टँड-अप कॉमेडियन समय रैनाने काही महिन्यांपूर्वी उद्भवलेल्या एका मोठ्या वादंगानंतर नुकताच आपला 'Still Alive' (अजूनही जिवंत) नावाचा पहिला व्हिडिओ शेअर केला आहे. या व्हिडिओमध्ये त्याने 'India's Got Latent' प्रकरणावर भाष्य करतानाच रणवीर अलाहबादियाच्या त्या वादग्रस्त प्रश्नाचाही संदर्भ दिला. सध्या रणवीर अलाहबादिया त्याच्या वैयक्तिक आयुष्यामुळे चर्चेत असतानाच, समय रैनानेही मिश्किलपणे आपल्या 'गर्लफ्रेंड'ची ओळख करून दिल्याने सोशल मीडियावर एकच खळबळ उडाली आहे. इन्स्टाग्रामवर आयोजित एका 'Ask Me Anything' सत्रादरम्यान समयने चाहत्याच्या विनंतीला मान देत हा फोटो शेअर केला.
समय रैनाच्या 'गर्लफ्रेंड'चा फोटो पाहून चाहते अवाक; गुपित आले समोर
इन्स्टाग्रामवरील प्रश्नोत्तराच्या सत्रात एका चाहत्याने समयला त्याच्या गर्लफ्रेंडसोबतचा फोटो पोस्ट करण्याचा आग्रह धरला. समयने कोणताही संकोच न करता आपल्या चाहत्याची इच्छा पूर्ण केली आणि एक फोटो शेअर केला, जो पाहून सर्वजण थक्क झाले. या फोटोमध्ये समयसोबत दुसरी तिसरी कोणीही नसून त्याचा जवळचा मित्र आणि स्टँड-अप कॉमेडियन बलराज घई होता. समयच्या या हजरजबाबीपणामुळे आणि मिश्किल उत्तरामुळे नेटकऱ्यांमध्ये हास्याची लाट पसरली असून, त्याच्या या शैलीचे सोशल मीडियावर प्रचंड कौतुक होत आहे.
रणवीर अलाहबादिया आणि जुही भट्टच्या नात्याची चर्चा
दुसरीकडे, प्रसिद्ध YouTuber रणवीर अलाहबादियाच्या गर्लफ्रेंडचे गुपितही अलीकडेच एका व्हायरल व्हिडिओमुळे उघड झाले आहे. आयपीएल (IPL) हंगामादरम्यान एका चाहत्याने सेल्फी मागितला असता, रणवीरने अत्यंत नम्रपणे "मी माझ्या गर्लफ्रेंडसोबत आहे," असे सांगत नकार दिला होता. त्यावेळेस त्याच्यासोबत जुही भट्ट ही डिजिटल कंटेंट क्रिएटर उपस्थित होती. जुही भट्ट ही एक उत्कृष्ट नृत्यांगना असून ती तिच्या फॅशन आणि जीवनशैलीशी संबंधित आशयासाठी ओळखली जाते. या घटनेनंतर रणवीरच्या नात्याबद्दल सोशल मीडियावर नेटिझन्समध्ये मोठी उत्सुकता निर्माण झाली आहे.
हेही वाचा – Theater Rent Hike Demand: नाट्यगृह भाडेवाढीवर निर्मात्यांचा आक्षेप; स्थगितीची मागणी, काय निर्णय होणार?
'India's Got Latent' वाद आणि कायदेशीर कारवाई
हे सर्व घडत असताना, समय रैनाच्या 'India's Got Latent' या कार्यक्रमावरून झालेला जुना वादही पुन्हा चर्चेत आला आहे. या कार्यक्रमादरम्यान रणवीर अलाहबादियाने पालकांविषयी विचारलेल्या एका आक्षेपार्ह प्रश्नामुळे मोठे रणकंदन माजले होते. या प्रकरणानंतर दोघांनाही सोशल मीडियावर प्रचंड ट्रोलिंगचा सामना करावा लागला होता. इतकेच नव्हे तर, त्यांच्या विरोधात पोलिसांत FIR देखील दाखल झाला होता, ज्यामुळे समयला या कार्यक्रमाचे सर्व भाग YouTube वरून काढून टाकावे लागले होते. आता समयने 'Still Alive' व्हिडिओद्वारे पुन्हा एकदा या विषयाला स्पर्श केला आहे.
