भारतीय हवामानशास्त्र विभागाने मंगळवारी इशारा दिला की आग्नेय अरबी समुद्रावरील खोल दाबाचे चक्रीवादळात रूपांतर झाले आहे. या वादळाला बिपरजॉय असे नाव देण्यात आले आहे. भारतीय हवामानशास्त्र विभागाने ने आज यासंदर्भात इशारा दिला आहे. भारतीय हवामानशास्त्र विभागाने ने सांगितले की, पूर्व-मध्य अरबी समुद्रावरील खोल दाबाच्या क्षेत्राने आता वादळाचे रूप धारण केले आहे. त्यामुळे येत्या २४ तासांत रायगड, रत्नागिरी, सिंधुदुर्ग, मुंबई, ठाणे, पालघर व्यतिरिक्त कोकणातील किनारपट्टी भागात सोसाट्याचा वाऱ्यासह पाऊस पडेल. ‘बिपरजॉय’ वादळामुळे हवामानात बदल होणार असल्याचे हवामान खात्याने म्हटले आहे.
केरळ-कर्नाटक किनारपट्टी आणि लक्षद्वीप-मालदीव परिसरात ६ जून आणि कोकण-गोवा-महाराष्ट्र किनारपट्टीवर ८ ते १० जूनपर्यंत समुद्रात खूप उंच लाटा उसळण्याची शक्यता आहे. समुद्रात उतरलेल्या मच्छिमारांना किना-यावर परतण्याचा सल्ला देण्यात आला आहे. आग्नेय अरबी समुद्रात कमी दाबाचे क्षेत्र निर्माण झाल्याने आणि त्याचा खोलीकरण केरळ किनारपट्टीच्या दिशेने मान्सूनच्या आगमनावर परिणाम होऊ शकतो, असे आयएमडीने सोमवारी सांगितले होते. मात्र, केरळमध्ये मान्सूनच्या आगमनाची संभाव्य तारीख हवामान विभागाने दिलेली नाही.
खाजगी हवामान अंदाज एजन्सी स्कायमेट वेदरने म्हटले आहे की, केरळमध्ये ८ किंवा ९ जून रोजी मान्सून दाखल होईल, परंतु या काळात हलका पाऊस पडण्याची शक्यता आहे. स्कायमेटने म्हटले आहे की अरबी समुद्रातील या शक्तिशाली हवामान प्रणालींचा अंतर्गत भागात मान्सूनच्या आगमनावर प्रभाव पडतो. त्याच्या प्रभावाखाली मान्सून किनारी भागात पोहोचू शकतो. परंतु पश्चिम घाटाच्या पलीकडे जाण्यास वेळ लागेल.
