गोंदिया, ०८ जून, २०२३, प्रतिनिधी :
मृत स्त्रीचे नाव संध्या कोरे असे आहे. संध्या या आमगाव रोडवरील खालसा ढाब्यावर कॅशियर म्हणून काम करत होत्या. यांचा मुलगा करण महेंद्र कोरे (२४) हा नागपुरात एमआरशिप म्हणून कामाला होता. मात्र सहा महिन्यांपासून आई आणि मुलगा श्रीनगर येथील चंद्रशेखर वॉर्डमध्ये भाड्याच्या घरात राहत होते. सांध्यांच्या पतीचा २० वर्षांपूर्वी आजारपणाने मृत्यू झाला होता. आरोपी करण कोरेची आई संध्या कोरे हिचा काळ्या जादूवर विश्वास होता. गुप्तधनाचा शोध घेत ती पैसे अंधश्रद्धेवर खर्च करत होती. तसेच, आरोपीला त्याच्या आईच्या चारित्र्यावरही संशय होता. यावरून त्यांच्यात वाद होत होता.
घटनेच्या दिवशी दोघेच घरी होते. आरोपी त्या दिवशी आईविषयी मनात राग ठेवून होता. दुसऱ्या दिवशी पहाटे तीन – चारच्या दरम्यान घरात असलेल्या धारदार चाकूने आरोपी मुलाने आईचा गळा चिरला. तसेच, रागाच्या भरात तिच्या चेहऱ्यावर आणि शरीरावर वार करून तिची निर्घृण हत्या केली. मृतदेह स्वयंपाकघरात रक्तबंबाळ अवस्थेत आढळून आला तर, आरोपी तरुण सोफ्यावर गंभीर अवस्थेत बसलेला आढळून आला.
