व्हॉट्सअॅप आणि टेलिग्रामला टक्कर देण्यासाठी एलोन मस्क यांनी लाँच केले XChat; काय आहेत खास?

Elon Musk Launched XChat: व्हॉट्सअॅप आणि टेलिग्रामला टक्कर देण्यासाठी जगातील सर्वात श्रीमंत आणि प्रसिद्ध उद्योजक, टेस्लाचे सीईओ एलोन मस्क यांनी त्यांचे नवीन सोशल मीडिया एक्सचॅट लाँच केले आहे. मस्क यांनी त्यांच्या सोशल मीडिया प्लॅटफॉर्म एक्स वर हे नवीन मेसेजिंग अॅप लाँच केले आहे. हे नवीन अॅप व्हॉट्सअॅप आणि टेलिग्राम सारख्या लोकप्रिय मेसेजिंग अॅप्सना थेट स्पर्धा करेल. मस्क यांचे ध्येय सोशल मीडिया मेसेजिंग, पेमेंट आणि इतर सेवा एकाच प्लॅटफॉर्मवर आणणे आहे.

एक्सचॅटची वैशिष्ट्ये – 

एलोन मस्क यांनी सोशल मीडिया प्लॅटफॉर्म एक्स द्वारे एक्सचॅट लाँच करण्याची घोषणा केली. हे अॅप रस्ट प्रोग्रामिंग भाषेवर विकसित केले गेले आहे. नवीन अॅपमध्ये व्हॉट्सअॅप आणि टेलिग्राम अॅप्सशी स्पर्धा करणारी गोपनीयता-केंद्रित आधुनिक वैशिष्ट्ये समाविष्ट आहेत.

विशिष्ट वेळेनंतर मेसेजेस आपोआप डिलीट होणार –  

दरम्यान, वापरकर्त्यांच्या चॅट्स सुरक्षित करण्यासाठी एक्सचॅटमध्ये बिटकॉइन स्टाईल एन्क्रिप्शन वापरले गेले आहे. व्हॉट्सअॅप सिग्नल आणि टेलिग्राम सारख्या अॅप्सप्रमाणे, हे अॅप डेटा सेंटर आणि रिसीव्हरमधील सुरक्षित संप्रेषण देखील सुनिश्चित करते. तथापि, वापरकर्त्यांना मेसेजेस व्हॅनिश करण्याचा पर्याय देखील मिळेल. त्यामुळे विशिष्ट वेळेनंतर मेसेजेस आपोआप डिलीट होतील.

हेही वाचा – आता सीमापार पेमेंट करणे शक्य होणार; RBI ने PayPal ला दिली मान्यता

क्रॉस-प्लॅटफॉर्म कॉलिंग – 

XChat मध्ये ऑडिओ आणि व्हिडिओ कॉलिंगची सुविधा आहे, जी अँड्रॉइड, iOS आणि वेब प्लॅटफॉर्मवर उपलब्ध असेल. या अॅप्लिकेशनद्वारे, वापरकर्ते फोटो, व्हिडिओ, कागदपत्रे यासारख्या कोणत्याही फायली सहजपणे शेअर करू शकतात.

हेही वाचा – स्पेसएक्सच्या 'Starship' रॉकेटचे प्रक्षेपण पुन्हा अयशस्वी; अंतराळयानाचे झाले तुकडे

मोबाईल नंबरची आवश्यकता नाही – 

तुम्हाला WhatsApp वापरण्यासाठी मोबाईल नंबरची आवश्यकता असते. परंतु, XChat मध्ये मोबाईल नंबरची आवश्यकता राहणार नाही. वापरकर्ते फक्त चार-अंकी पिनद्वारे साइन अप करू शकतात. सध्या XChat त्याच्या बीटा टप्प्यात आहे, ते फक्त सोशल मीडिया प्लॅटफॉर्म X च्या सशुल्क सदस्यांसाठी उपलब्ध आहे.