Save Electricity: छोटासा पण शक्तिशाली ‘स्मार्ट प्लग’! जाणून घ्या, या डिव्हाईसने वीज कशी वाचेल..
Energy Saving with Smart Gadgets : स्मार्ट गॅजेट्सच्या या युगात एक छोटेसे उपकरण घरांचे वीज बिल कमी करण्यात मोठी भूमिका बजावत आहे. हे उपकरण म्हणजे स्मार्ट प्लग. याला अनेक लोक केवळ 'ऑन-ऑफ' (On-Off) कंट्रोल करण्याचे साधन मानतात. मात्र, इलेक्ट्रिशियन आणि एनर्जी एक्सपर्ट्स यांच्या मते, स्मार्ट प्लगचा योग्य वापर केल्यास विजेच्या वापरात मोठी कपात करता येते.
वीज वाचवणारे 'स्मार्ट फीचर्स'
स्मार्ट प्लग दिसायला सामान्य प्लगसारखाच असला तरी, त्याच्या आत वाय-फाय कंट्रोल (Wi-Fi Control), पॉवर मॉनिटरिंग (Power Monitoring) आणि टायमर (Timer) सारख्या स्मार्ट सुविधा असतात. कोणत्याही सॉकेटमध्ये (Socket) हा प्लग लावून सामान्य उपकरणांना स्मार्ट बनवता येते. याचा अर्थ असा की, तुम्ही तुमच्या मोबाईलने त्यांना ऑन किंवा ऑफ करू शकता, त्यांच्या वीज खर्चाचा डेटा पाहू शकता आणि गरजेनुसार वेळेचे वेळापत्रक (Time-Schedule) सेट करू शकता. यामुळे विजेची अनावश्यक नासाडी थांबते.
विनाकारण वीज खाणाऱ्या 'व्हॅम्पायर पॉवर'वर नियंत्रण
टीव्ही, सेट-टॉप बॉक्स, चार्जर, कॉम्प्युटर, मायक्रोवेव्ह आणि गेमिंग कन्सोल यांसारखी अनेक घरगुती उपकरणे बंद (Off) झाल्यावरही 'स्टँडबाय मोड' (Standby Mode) मध्ये वीज खात राहतात. यालाच 'व्हॅम्पायर पॉवर' (Vampire Power) असे म्हटले जाते. अनुभवी माहितगार इलेक्ट्रिशियन सांगतात की, सर्वसामान्य घरांमध्ये सुमारे 10 ते 15% वीज याच अजाणतेपणी होणाऱ्या वापरामुळे खर्च होते.
हेही वाचा – Human Washing Machine: बाजारात आले माणसांना आंघोळ घालणारे अनोखे वॉशिंग मशीन; 15 मिनिटांत पूर्ण शरीर स्वच्छ
टायमर आणि डेटा मॉनिटरिंगचा फायदा
स्मार्ट प्लग या उपकरणांना पूर्णपणे ऑफ (Completely Off) करून विनाकारण वीज खाणे संपुष्टात आणतो. उदाहरणार्थ, रात्री 12 वाजता टीव्ही किंवा गेमिंग कन्सोल पूर्णपणे बंद व्हावा यासाठी तुम्ही टायमर सेट करू शकता. याव्यतिरिक्त, स्मार्ट प्लग पॉवर मॉनिटरिंग दाखवतो. यामुळे कोणत्या उपकरणाचा वीज वापर (Power Consumption) जास्त आहे, हे समजण्यास मदत होते आणि त्यानुसार तुम्ही त्याचा वापर कमी करू शकता.
कोणत्या उपकरणांसाठी सर्वाधिक उपयोगी?
ज्यांच्या घरात अनेक उपकरणे वापरल्यानंतर बंद करायला विसरले जातात, त्यांच्यासाठी स्मार्ट प्लग खूप उपयोगी आहे. एअर प्युरिफायर, डीह्यूमिडिफायर, पाण्याची मोटर, राउटर, लॅम्प किंवा हीटर यांसारखी उपकरणे सतत सुरू राहत असतील, तर स्मार्ट प्लग त्यांना ऑटो-ऑफ (Auto-Off) करून वीज वाचवू शकतो. ऑफिस डेस्क सेटअप, मॉनिटर , स्पीकर आणि पीसी यांसारख्या गॅजेट्ससाठीही हा एक उत्तम पर्याय आहे. विचारपूर्वक वापर केल्यास, तुमच्या वीज बिलात 15% पर्यंत कपात होऊ शकते. म्हणूनच याला 'छोटासा डिवाइस, मोठा फायदा' असे म्हणतात.
जय महाराष्ट्र न्यूजवर ताज्या बातम्या आणि ब्रेकिंग न्यूज वाचा. अधिक माहितीसाठी भारताच्या बातम्या ब्राउझ करा.