Uddhav Thackeray On India-Pakistan Match: भारत-पाकिस्तान आशिया कप सामन्यावर बहिष्कार टाका; उद्धव ठाकरेंचे आवाहन

Uddhav Thackeray On India-Pakistan Match: भारत आणि पाकिस्तान यांच्यात रविवारी आशिया कपचा अंतिम सामना होणार आहे. परंतु, या सामन्याला देशभरातून विरोध होत आहे. शिवसेना उद्धव गटाचे नेते आणि माजी मुख्यमंत्री उद्धव ठाकरे यांनी भारत-पाकिस्तान सामन्यावर बहिष्कार टाकण्याचे आवाहन केले आहे. भारत आणि पाकिस्तानमधील क्रिकेट सामन्याला विरोध करताना उद्धव ठाकरे यांनी इंडिया टीव्हीचे अध्यक्ष आणि मुख्य संपादक रजत शर्मा यांच्या मुलाखतीचा उल्लेख केला, ज्यामध्ये पंतप्रधान नरेंद्र मोदी म्हणाले होते की भारताने पाकिस्तानला त्याच्याच भाषेत उत्तर द्यावे.

हेही वाचा – Mumbai Konkan Services : कोकणवासियांसाठी दिलासा! कोकणात 2 ऑक्टोबरपासून सुरू होणार रो-रो सेवा; जाणून घ्या संपूर्ण माहिती

उद्धव ठाकरेंनी म्हटलं आहे की, ‘आपण ज्या पद्धतीने क्रिकेटवर चर्चा करत आहोत ते अत्यंत दुर्दैवी आहे.’ यावेळी त्यांनी पंतप्रधान नरेंद्र मोदींच्या जुन्या मुलाखतीचा संदर्भ दिला. उद्धव ठाकरे यांनी म्हटलं आहे की, ‘पाकिस्तान येतो आणि मारतो आणि आपण अमेरिकेत जातो आणि म्हणतो, बघा…त्यांनी मारले. त्यांना त्यांच्याच भाषेत उत्तर द्यायला हवे, आणि आम्हाला वाटले की त्यांच्यात काहीतरी आहे…’

हेही वाचा – Ladki Bahin Yojana New Update : ‘लाडकी बहीण’ योजनेअंतर्गत महिलांना मिळणार शून्य व्याजदराने कर्ज

उद्धव ठाकरेंची सोनम वांगचुक यांच्यावर प्रतिक्रिया

दरम्यान, सोनम वांगचुक यांच्या अटकेवरही उद्धव ठाकरे यांनी प्रतिक्रिया दिली. उद्धव ठाकरे म्हणाले की, ‘ज्या व्यक्तीने आपल्या सैन्यासाठी सौर तंबू तंत्रज्ञान विकसित केले त्याला देशद्रोही ठरवले जात आहे. तर दुसरीकडे पाकिस्तानला क्रिकेट सामने खेळण्याची परवानगी दिली जात आहे.’ तथापी, उद्धव ठाकरे यांनी नागरिकांना आणि देशभक्तांना भारत-पाकिस्तान सामन्यावर बहिष्कार टाकण्याचे आवाहन केले. त्यांच्या या विधानातून स्पष्ट होते की, देशभक्ती आणि राष्ट्रीय सुरक्षा या मुद्द्यांवरून उद्धव ठाकरे स्पष्ट भूमिका घेत आहेत.