तामिळनाडू : विजयच्या ड्रायव्हरचा मुलगा सबरीनाथन आपल्या मतदारसंघात 28 हजारांहून अधिक मतांनी आणि 5 हजारांहून अधिक मतांच्या फरकाने आघाडीवर असून धुमाकूळ घालत आहे. मिळालेल्या माहितीनुसार, अभिनेते-राजकारणी विजय यांच्या माजी वैयक्तिक चालकाचा मुलगा सोमवारी विरुगंबक्कम मतदारसंघात डीएमके उमेदवारापेक्षा आघाडीवर होता. तामिळनाडू विधानसभा निवडणुकीतील सुरुवातीच्या कलांमुळे विजय यांनी स्थापन केलेल्या आणि नेतृत्व करत असलेल्या तामिळगा वेट्री कळघम (टीव्हीके) पक्षात उत्साहाची लाट पसरली आहे. सुरुवातीच्या कलानुसार, राजेंद्रन यांचे पुत्र सबरीनाथन, जे विजय यांचे वैयक्तिक सहाय्यक म्हणून नियुक्त होण्यापूर्वी अनेक वर्षे त्यांचे चालक होते. ते विरुगंबक्कममध्ये डीएमकेचे प्रभाकर राज यांच्यापेक्षा आघाडीवर होते. जसजसे आकडे हळूहळू येत होते, तसतसे या लढतीवर बारकाईने लक्ष ठेवून होते.
सबरीनाथन यांना ज्या परिस्थितीत तिकीट मिळाले, ते पाहता या उमेदवारीला एक विशेष भावनिक महत्त्व प्राप्त झाले होते. निवडणुकीपूर्वी जेव्हा विजयने सर्व 234 विधानसभा मतदारसंघांसाठी उमेदवारांची घोषणा केली. तेव्हा विरुगंबक्कमसाठीच्या उमेदवारांमध्ये सबरीनाथन यांच्या नावाचाही समावेश होता. हा तो क्षण होता, ज्यामुळे मंचावर वडील आणि मुलगा दोघांच्याही डोळ्यात अश्रू आले होते. शबरीनाथन उघडपणे रडत विजयच्या पाया पडले आणि त्यांनी त्याला मिठी मारली. तर विजय त्यांचे अश्रू पुसत होते. जवळच उभे असलेले राजेंद्रनसुद्धा भावनाविवश झालेले दिसत होते. त्या क्षणाचे व्हिडिओ मोठ्या प्रमाणात व्हायरल झाले होते. विजयने त्याच्या चित्रपट कारकिर्दीच्या सुरुवातीपासून सोबत असलेल्या व्यक्तीच्या मुलाला संधी देण्याच्या या कृतीचे महत्त्व अधोरेखित केले. विजयने सबरीनाथनला अगदी लहानपणापासून जवळून पाहिले असल्याचे सबरीनाथनने वारंवार उल्लेख केला आहे.
