Bihar Politics : ‘लवकरच बिहार सरकार कोसळणार’; बांकीपूरमधील NDA च्या बैठकीदरम्यान तेज प्रताप यादव यांचा खळबळ दावा
पटना : बिहारच्या राजकारणात खळबळ माजवणारे एक धक्कादायक विधान समोर आले आहे. जनशक्ती जनता दलाचे राष्ट्रीय अध्यक्ष तेज प्रताप यादव यांनी बिहारमधील सरकारबाबत मोठा दावा केला आहे. बिहारचं सरकार लवकरच कोसळेल असे, तेज प्रताप यादव यांनी म्हटले आहे. गेल्या काही महिन्यांत बिहारच्या राजकारणात अनेक मोठ्या घडामोडी पाहायला मिळाल्या आहेत. नितीश कुमार यांनी मुख्यमंत्रीपदाचा राजीनामा दिल्यानंतर सम्राट चौधरी हे बिहारचे मुख्यमंत्री झाले, तर नितीश कुमार हे राज्यसभेवर गेले आहेत. तसेच नितीश कुमार यांचे सुपुत्र निशांत कुमार यांची मुख्यमंत्री सम्राट चौधरी यांच्या मंत्रिमंडळात कॅबिनेट मंत्री म्हणून वर्णी लागली आहे.
बांकीपूरचे भाजप उमेदवार अभिषेक सिन्हा यांनी आपला उमेदवारी अर्ज मागे घेतल्यानंतर तेजप्रताप यांनी हा दावा केला आहे. शुक्रवारी तेज प्रताप यादव यांनी त्यांच्या एक्स हँडलवर पोस्ट करत लिहिले की, “बिहारमध्ये खूप लवकर सरकार कोसळणार आहे, आणि नितीश कुमार यांनी सम्राट म्हणत मुख्यमंत्र्यांना फटकारले आहे. हे मी तुम्हाला आधीच सांगितले होते, भविष्यवाणी केली होती. मी आता वृंदावनमध्ये आहे, खूप लवकर बिहारमधील सध्याचे सरकार बदलेल.
बिहार में बहुत जल्दी सरकार गिरने वाली है, और नीतीश कुमार ने सम्राट कहकर मुख्यमंत्री को फटकार लगाया है. ये मैंने आपको कहा था, भविष्यवाणी किया था. और मैं वृंदावन में हूँ, बहुत जल्दी बिहार में जो सरकार है, बदल जाएगी. pic.twitter.com/JCDB8UowP6 — Tej Pratap Yadav (@TejYadav14) July 10, 2026
जय महाराष्ट्र न्यूजवर ताज्या बातम्या आणि ब्रेकिंग न्यूज वाचा. अधिक माहितीसाठी भारताच्या बातम्या ब्राउझ करा.