भारतीय वायुदलात तीन राफेल विमानांची दुसरी तुकडी
भारतीय वायुदलात बुधवारी संध्याकाळी आणखी तीन राफेल विमानांची दुसरी तुकडी भारतात दाखल झाली आहे. यापूर्वी पंजाबमधे अंबाला येथे पहिली पाच राफेल विमान दाखल झाली होती.
भारताने फ्रान्सकडून 59 हजार कोटींचा करार करून 36 राफेल लढाऊ विमानं खरेदी केली आहेत.
The second batch of three Rafale aircraft got airborne from Istres airbase in France and flew for over eight hours before landing at an IAF base. They covered a distance of over 3700 nautical miles with three in-flight refuellings. pic.twitter.com/gHEixnMh2B— Indian Air Force (@IAF_MCC) November 4, 2020
आतापर्यंत आठ विमान भारतात दाखल झाली आहेत. भारतीय वायुदलाने दिलेल्या माहितीनुसार गुजरातमधील जामनगर एअरबेसवर ही विमान उतरली आहेत. ही विमान फ्रान्समधून उडाण घेतल्यानंतर एकही थांबा न घेता भारतात आली आहेत. प्रवासादरम्यान फ्रान्सच्या आणि भारताच्या विमानाद्वारे यात इंधन भरण्यात आले. उरलेली 28 राफेल लढाऊ विमानं टप्प्याटप्प्याने भारतात येणार आहेत. प्रत्येक दोन ते तीन महिन्यानंतर तीन ते चार राफेल विमानं दिली जाणार आहेत.
Second batch of IAF #Rafale aircraft arrived in India at 8:14 pm on 04 Nov 20 after flying non-stop from France.— Indian Air Force (@IAF_MCC) November 4, 2020
1997 मध्ये भारतीय हवाई दलात रशियाच्या सुखोई-30 ही विमान घेण्यात आली होती त्यानंतर 23 वर्षांनी राफेल लढाऊ विमानं खरेदी करण्यात आली आहेत. राफेल विमानांमुळे भारतीय वायुदल अधिक शक्तिशाली आणि बलवान होणार आहे.
जय महाराष्ट्र न्यूजवर ताज्या बातम्या आणि ब्रेकिंग न्यूज वाचा. अधिक माहितीसाठी भारताच्या बातम्या ब्राउझ करा.