Rajya Sabha By Election: जम्मू-काश्मीरमधील राज्यसभा निवडणुकीची घोषणा; 4 जागांसाठी 24 ऑक्टोबर रोजी होणार मतदान

Rajya Sabha By Election: निवडणूक आयोगाने बुधवारी पंजाबमधील एका आणि जम्मू आणि काश्मीरमधील चार राज्यसभेच्या जागांसाठी निवडणुका घेण्यात येणार असल्याची घोषणा केली. यासाठी 24 ऑक्टोबर रोजी मतदान होणार आहे. दोन्ही मतदारसंघांमध्ये मतदानानंतर निकाल त्याच दिवशी जाहीर केला जाईल.

जम्मू-काश्मीरमध्ये चार राज्यसभा जागांसाठी मतदान

जम्मू आणि काश्मीरमधील चार राज्यसभेच्या जागांसाठी द्विवार्षिक निवडणुका 24 ऑक्टोबर रोजी होणार आहेत. या जागा 2021 पासून रिक्त आहेत. निवडणूक आयोगाने सांगितले की, पूर्वीचे जम्मू-काश्मीर राज्य आता जम्मू-काश्मीर (विधानसभा असलेले) आणि लडाख (विधानसभा नसलेले) या दोन केंद्रशासित प्रदेशांमध्ये विभागले गेले आहे.

हेही वाचा – PM Kisan Scheme : शेतकऱ्यांना दिलासा! पीएम किसान योजनेच्या 21व्या हप्त्याची रक्कम ‘या’ दिवशी जमा होईल

जम्मू-काश्मीर पुनर्रचना कायद्याअंतर्गत, राज्यसभेचे सध्याचे चार सदस्य जम्मू-काश्मीर केंद्रशासित प्रदेशासाठी निवडून आलेले मानले जातील. या जागा रिक्त राहिल्यामुळे 24 ऑक्टोबर रोजी मतदान आणि संध्याकाळी मतमोजणी होईल. विधानसभेच्या मतदारसंघाच्या अनुपस्थितीत द्वैवार्षिक निवडणुका वेगवेगळ्या चक्रांमध्ये घेण्यात येतात. आयोगाने मतपत्रिकेवर पसंती चिन्हांकित करण्यासाठी एकात्मिक जांभळ्या स्केच पेनचा वापर सुनिश्चित केला असून, मुक्त आणि निष्पक्ष निवडणुकीसाठी निरीक्षकांची नियुक्ती करण्यात येईल, असं सांगितलं आहे. 

हेही वाचा – Digital Arrest : ईडी-सीबीआय अधिकारी असल्याचं भासवत बँकरला लुबाडल; तब्बल २३ कोटींची केली लूट

पंजाबमध्ये एका जागेसाठी मतदान

तथापी, पंजाबमधील एका राज्यसभेच्या जागेसाठीही 24 ऑक्टोबर रोजी मतदान होणार आहे. ही जागा जुलैमध्ये खासदार संजिव अरोरा यांच्या राजीनाम्यानंतर रिक्त झाली होती.