Justice Swaminathan : न्यायमूर्ती स्वामीनाथन यांच्यावर महाभियोगाचा प्रस्ताव; राज्यघटनेच्या तत्त्वांविरुद्ध काम केल्याचा विरोधकांचा आरोप

Justice G. R. Swaminathan : मद्रास उच्च न्यायालयाचे (Madras High Court) न्यायाधीश न्यायमूर्ती जी. आर. स्वामीनाथन (Justice G. R. Swaminathan) यांच्याविरोधात महाभियोग चालवण्याची (Impeachment) मागणी करणारा प्रस्ताव द्रमुक आणि इतर विरोधी पक्षाच्या खासदारांनी मंगळवारी लोकसभेचे अध्यक्ष ओम बिर्ला (Lok Sabha Speaker Om Birla) यांच्याकडे सोपवला. या प्रस्तावात राज्यघटनेच्या अनुच्छेद 124 सह 217 (Article 124 and 217) अंतर्गत न्यायमूर्ती स्वामीनाथन यांच्यावर महाभियोग चालवावा, अशी मागणी करण्यात आली आहे.

अनेक विरोधी पक्षांच्या खासदारांच्या सह्या
या प्रस्तावावर द्रमुक (DMK) पक्षाचे खासदार टी. आर. बालू, ए. राजा, कन्निमोळी आणि दयानिधी मारन यांनी स्वाक्षरी केली आहे. यासोबतच समाजवादी पक्षाचे अखिलेख यादव आणि डिंपल यादव, काँग्रेसचे खासदार प्रियंका गांधी, गौरव गोगोई आणि मणिकम टागोर यांचाही समावेश आहे. याव्यतिरिक्त, राष्ट्रवादी काँग्रेस (शरद पवार गट) खासदार सुप्रिया सुळे, शिवसेना (उद्धव ठाकरे गट) खासदार अरविंद सावंत, आययूएमएलचे ई. टी. मुहम्मद बशीर, एआयएमआयएमचे असादुद्दीन ओवेसी आणि व्हीसीकेचे तिरुमावलन इत्यादी सदस्यांनी या प्रस्तावावर सह्या केल्या आहेत.

हेही वाचा – Social Media Ban In Odisha : ओडिशातील मलकानगिरीत तणाव; या कालावधीसाठी सरकारची व्हॉट्सॲप-फेसबुक वापरावर बंदी

निष्पक्षता आणि धर्मनिरपेक्षतेवर प्रश्नचिन्ह
प्रस्तावात नमूद करण्यात आले आहे की, न्यायमूर्ती स्वामीनाथन यांच्या वर्तनामुळे त्यांची निष्पक्षता (Impartiality), धर्मनिरपेक्षता (Secularism) आणि पारदर्शक कामकाजावर (Transparent Functioning) प्रश्नचिन्ह उपस्थित राहते. त्यामुळे गैरवर्तनाच्या (Misbehaviour) कारणावरून त्यांच्याविरोधात महाभियोग चालवावा, अशी विनंती खासदारांनी केली आहे.

विशिष्ट विचारसरणी आणि समुदायाला झुकते माप
न्यायमूर्ती स्वामीनाथन हे एका विशिष्ट राजकीय विचारसरणीच्या (Political Ideology) आधारे आणि राज्यघटनेच्या धर्मनिरपेक्ष तत्त्वांच्या विरोधात निकाल देतात, असे कारणही प्रस्तावात नमूद करण्यात आले आहे. यासोबतच, खासदारांनी त्यांच्यावर एका विशिष्ट समुदायाचे ज्येष्ठ वकील आणि वकिलांना झुकते माप (Favouritism) देत असल्याचाही गंभीर आरोप केला आहे.

दीपज्वलनाच्या निर्णयावर वाद
या वादाचे एक तात्काळ कारण म्हणून न्यायमूर्ती स्वामीनाथन यांनी गेल्या आठवड्यात दिलेला एक निर्णय (Judgement by Justice Swaminathan) पुढे आला आहे. त्यांनी मदुराईमधील तिरुपरनकुंद्रम टेकडीवर (Tiruparankundram Hill) एका दर्ग्याजवळील स्तंभावर दीपज्वलनास परवानगी दिली होती. राज्य सरकारने मात्र त्या आदेशाचे पालन न करता, त्याविरोधात अपील दाखल केले आहे.

हेही वाचा – DRDO Technology Development: भारताचा 5th Gen FighterJet गेमचेंजर! DRDOच्या कर्तृत्वाने अमेरिका-चीन चिंतेत