शिउबाठाच्या विजय करंजकरांचा शिवसेनेत प्रवेश होण्याची शक्यता

नाशिक, ५ मे २०२४, प्रतिनिधी : शिउबाठाचे माजी जिल्हाध्यक्ष विजय आप्पा करंजकर यांचा एकनाथ शिंदे यांच्या शिवसेनेत काही तासातच प्रवेश होण्याची शक्यता आहे. विजय आप्पा करंजकर यांची जिल्हाध्यक्षपदी वर्णी लागणार असल्याची माहिती आहे. शिउबाठातून उमेदवारी न मिळाल्याने विजय करंजकर नाराज होते. त्यामुळे करंजकर हे पाऊल उचलणार असल्याची माहिती आहे. करंजकरांचा शिवसेनेत होणारा प्रवेश लोकसभा निवडणुकीच्या तोंडावर उद्धव ठाकरे गटाला मोठा धक्का देणार आहे.