Old Pension Scheme : जुन्या पेन्शन प्रणालीसह 8व्या वेतन आयोगात सुधारणा करा; कर्मचारी संघटनांचे पंतप्रधान मोदींना पत्र

Old Pension Scheme: केंद्रीय कर्मचारी संघटनांनी पंतप्रधान नरेंद्र मोदी यांना पत्र लिहून जुनी पेन्शन प्रणाली पुन्हा लागू करण्याची मागणी केली आहे. तसेच, आठव्या वेतन आयोगाच्या अटींमध्ये सुधारणा करून विद्यमान कर्मचाऱ्यांसाठी पेन्शन सुरक्षा सुनिश्चित करण्याची विनंती केली आहे. केंद्र सरकारने आठव्या वेतन आयोगाच्या शिफारशी जाहीर केल्यानंतर, कर्मचारी संघटनांनी राष्ट्रीय परिषदेच्या माध्यमातून पंतप्रधान मोदींना पत्र लिहले. यात मागणी करण्यात आली आहे की जुनी पेन्शन योजना (ओपीएस) पुन्हा लागू केली जावी, जेणेकरून सध्याचे आणि निवृत्त कर्मचाऱ्यांना पेन्शन सुरक्षा मिळेल.

संघटनांनी दिल्या अर्थमंत्र्यांना सूचना दिल्या

पत्रात असे नमूद केले आहे की, सुधारणा सशस्त्र दलातील कर्मचाऱ्यांसह सर्व केंद्र सरकारी कर्मचाऱ्यांसाठी लागू होतील. पंतप्रधान मोदी, अर्थमंत्री निर्मला सीतारमण आणि एनसी जेसीएम सचिव शिव गोपाल मिश्रा यांना लिहिलेल्या पत्रात, केंद्रीय कर्मचारी संघटनांनी म्हटले आहे की या सुधारणा सशस्त्र दलाच्या कर्मचाऱ्यांसह सध्याच्या आणि निवृत्त केंद्रीय सरकारी कर्मचाऱ्यांच्या मोठ्या हितासाठी असतील. कर्मचाऱ्यांनी मागितलेल्या सुधारणांमध्ये विद्यमान पेन्शनधारकांसाठी पेन्शन सुधारणा, एनपीएस अंतर्गत येणाऱ्या 26 लाख कर्मचाऱ्यांसाठी जुनी पेन्शन योजना (ओपीएस) लागू करणे, नॉन-कंट्रिब्युटरी पेन्शन योजनांच्या निधी नसलेल्या खर्चाचा कलम काढून टाकणे, आठव्या वेतन आयोगाच्या अंमलबजावणीची प्रभावी तारीख 1 जानेवारी 2026 घोषित करणे आणि आठव्या वेतन आयोगाच्या स्थापनेत झालेल्या विलंबामुळे कर्मचारी आणि पेन्शनधारकांना 20 टक्के अंतरिम दिलासा देणे यांचा समावेश आहे.

हेह वाचा – Crop Insurance Scheme: पीक विम्यात क्रांतिकारी बदल! वन्य प्राण्यांपासून आणि अतिवृष्टीमुळे नुकसान झाल्यास सरकार देणार मदत

विद्यमान पेन्शनधारकांसाठी सुधारणा

याशिवाय, कर्मचारी संघटनेने लिहिले की, 8 व्या वेतन आयोगात कर्मचारी आणि पेन्शनधारकांना समाविष्ट केले जाईल असे सरकारचे म्हणणे असूनही, टीओआरमध्ये पेन्शन सुधारणांचा उल्लेख नाही. त्यांनी लिहिले की,7 व्या वेतन आयोगाच्या टीओआरमध्ये पेन्शन आणि इतर निवृत्ती नियमांचे नियमन करणाऱ्या तत्त्वांचे परीक्षण केले पाहिजे, ज्यामध्ये या शिफारसी लागू होण्याच्या तारखेपूर्वी निवृत्त झालेल्या कर्मचाऱ्यांसाठी पेन्शन सुधारणांचा समावेश आहे.  

हेही वाचा – Post vs Bank Profit Comparison : पाच वर्षांची FD कुठे करावी? पोस्टात की बँकेत?; जाणून घ्या, कुठे मिळेल जास्त व्याज आणि चांगला रिटर्न

आठवा वेतन आयोगाची प्रभावी तारीख  

कर्मचारी संघटनांनी विनंती केली आहे की 8 व्या वेतन आयोगाच्या शिफारसी 1 जानेवारी 2026 पासून लागू केल्या जाव्यात. तसेच, 20 टक्के अंतरिम सवलत लागू करून तात्काळ दिलासा मिळवावा.