Weird Devices Made In 2025: मानवी भावना समजणारी रोबोटिक गर्लफ्रेंड ते स्मार्ट ब्युटी गॅजेट्स, तंत्रज्ञानाची ही किमया पाहिली का?

Weird Tech Devices Made In 2025: तंत्रज्ञानाच्या जगात 2025 हे वर्ष एका मोठ्या क्रांतीचे साक्षीदार ठरले आहे. या वर्षात केवळ कृत्रिम बुद्धिमत्तेचा (AI) विकास झाला नाही, तर अशा काही विचित्र आणि प्रगत उपकरणांची निर्मिती झाली ज्यांनी सर्वांना चकित केले. मानवी गरजा आणि कल्पनाशक्तीच्या पलीकडे जाऊन वैज्ञानिकांनी आणि कंपन्यांनी जी गॅजेट्स आणली, त्यांचा आढावा घेऊया.

1. तुमच्या भावना समजणारी 'AI गर्लफ्रेंड' आणि घरकाम करणारा 'निओ'
एकटेपणा दूर करण्यासाठी अमेरिकन कंपनी Realbotix ने 'Aria' नावाचा रोबोट लाँच केला आहे. हा केवळ एक रोबोट नसून एक भावनिक साथीदार आहे. ChatGPT सारख्या तंत्रज्ञानाचा वापर करून हा रोबोट लोकांशी संवाद साधतो आणि त्यांच्या भाव-भावना, परिस्थिती समजून घेतो. याची किंमत 10,000 डॉलर्सपासून सुरू होते. ज्या लोकांना एकाकी जीवन जगावे लागते, त्यांच्यासाठी हा रोबो फायदेशीर आहे.

दुसरीकडे, 1X कंपनीने बनविलेला 'Neo' हा ह्युमनॉइड रोबोट घराघरात चर्चेचा विषय ठरला आहे. हा रोबोट कपड्यांच्या घड्या घालण्यापासून ते कपाटांची साफसफाई करण्यापर्यंत सर्व कामे करतो. हा अ‍ॅप किंवा आवाजाद्वारे दिलेल्या सूचनांचे पालन करतो.

2. पाळीव प्राण्यांसाठी खास सोयी
कुत्र्यांच्या मालकांसाठी 'WoofWoof Luxe' नावाचे एक अनोखे वॉशिंग मशीन बाजारात आले आहे. हे मशीन कुत्र्याच्या जातीनुसार आणि त्याच्या अंगावरील केसांच्या प्रकारानुसार त्याला आंघोळ घालते. सध्या अमेरिकेतील काही डॉग जिममध्ये याचा वापर सुरू आहे. 
याशिवाय, हँडहेल्ड रोबोट देखील विकसित करण्यात आला आहे, जो  'Ropet' नावाचा एक छोटा 'रोबो पाळीव प्राणी' असतो. तो तुमच्या हातांचे हावभाव समजतो आणि त्याला जेवणाची गरज नसते, फक्त तुमच्या प्रेमाची आणि लक्ष देण्याची ओढ असते.

हेही वाचा – ChatGPT Tips : सावधान ! तुमच्या वैयक्तिक माहितीवर चॅटबॉटची नजर; ChatGPT वापरताना वापरा 'या' 5 सोप्या टिप्

3. सौंदर्य आणि त्वचेची काळजी घेणारी स्मार्ट गॅजेट्स
मेकअपच्या जगात Grupo Boticário ने मोठी क्रांती केली आहे. त्यांनी एक Smart Lipstick मशीन तयार केले आहे, जे 2 मिनिटांत अचूकपणे ओठांवर लिपस्टिक लावते. ज्यांना शारीरिक व्याधींमुळे स्वतःहून लिपस्टिक लावणे कठीण जाते, त्यांच्यासाठी हे मशीन खूप उपयुक्त ठरत आहे.
फोन कव्हर सनबर्नबद्दल सांगते
त्वचेच्या आरोग्यासाठी O2 कंपनीने 'Skincase' नावाचे एक विशेष फोन कव्हर आणले आहे. हे कव्हर सिलिकॉनपासून बनलेले असून ते मानवी त्वचेसारखे दिसते. प्रखर उन्हात गेल्यास या कव्हरचा रंग सनबर्नप्रमाणे बदलतो, जेणेकरून वापरकर्त्याला सनस्क्रीन लावण्याची आठवण होईल.

4. जपानी तंत्रज्ञानाचा 'क्युट' आविष्कार
जपानच्या Yukai Engineering ने 'Mirumi' नावाचा एक छोटा आणि गोंडस रोबोट तयार केला आहे. हा रोबोट तुमच्या बॅगला किंवा पट्ट्याला चिकटून राहतो. त्याचे मोठे डोळे आजूबाजूच्या गोष्टींवर लक्ष ठेवतात, पण गंमत म्हणजे जेव्हा कुणी त्याला स्पर्श करते, तेव्हा तो लाजून आपला चेहरा लपवतो. हे उत्पादन एप्रिल 2026 मध्ये सर्वसामान्यांसाठी विक्रीला उपलब्ध होईल.

हेही वाचा – Supermoon and Meteor Shower : अवकाशात नयनरम्य आतषबाजी! 'सुपरमून' आणि 'उल्कावर्षावा'ने होणार नववर्षाचे स्वागत