Vat Purnima 2025: हिंदू धर्मात वट सावित्री व्रताला विशेष महत्त्व आहे. विशेषतः विवाहित स्त्रियांसाठी हा दिवस अखंड सौभाग्यासाठी आणि पतीच्या दीर्घायुष्यासाठी उपवास आणि पूजा करण्याचा असतो. दरवर्षी ज्येष्ठ महिन्याच्या पौर्णिमेला हे व्रत साजरे केले जाते. या वर्षी 2025 मध्ये वट सावित्री पौर्णिमा 10 जून रोजी साजरी होणार आहे.
वट सावित्री पौर्णिमा 2025 – शुभ मुहूर्त :
हिंदू पंचांगानुसार, पौर्णिमा तिथी 10 जून 2025 रोजी सकाळी 11:35 वाजता सुरू होईल आणि 11 जून 2025 रोजी दुपारी 01:13 वाजता समाप्त होईल. त्यामुळे वट सावित्री व्रत 10 जून रोजी ठेवले जाईल. परंतु, स्नान-दान आणि समापन विधी 11 जून रोजी केली जाईल.
वट सावित्री व्रताची पूजा विधी :
या दिवशी विवाहित स्त्रिया सकाळी लवकर उठून स्नान करून शुद्ध होतात. त्या लाल रंगाचे वस्त्र परिधान करतात व 16 शृंगार करतात. वट (वड) वृक्षाजवळ जाऊन त्याची स्वच्छता करतात. त्यानंतर झाडाच्या मुळाशी जल अर्पण करून विधीपूर्वक पूजा केली जाते.
मौलीचा धागा वटवृक्षाभोवती सात वेळा गुंडाळला जातो आणि प्रत्येक परिक्रमेसोबत पतीच्या आरोग्य आणि दीर्घायुष्याची प्रार्थना केली जाते. पूजा करताना 'सावित्री-सत्यवान' यांची कथा ऐकली जाते किंवा वाचली जाते. पूजा समारोप आरतीने केला जातो आणि नंतर सात्विक भोजनाने व्रत पार पाडले जाते.
व्रतादरम्यान लक्षात ठेवावयाच्या गोष्टी :
व्रती महिलांनी तामसिक अन्नपदार्थांपासून दूर राहावे.
संयम, भक्तीभाव आणि पवित्रतेने व्रताचे पालन करावे.
मनोभावे प्रार्थना करणे अत्यंत महत्त्वाचे आहे.
वट सावित्री व्रतासाठी भोग (नैवेद्य)
या दिवशी पूजेनंतर फळे, मिठाई, पुरी, हलवा आणि चणाडाळ यांचा नैवेद्य अर्पण केला जातो. या भोगामुळे शुभ फळांची प्राप्ती होते आणि घरात समृद्धी व आनंद नांदतो, असा समज आहे.
वट सावित्री व्रत मंत्र :
वट सिंचामि ते मूलं सलिलैरमृतोपमैः ।
यथा शाखाप्रशाखाभिर्वृद्धोऽसि त्वं महीतले।।
तथा पुत्रैश्च पौत्रैश्च सम्पन्नं कुरु मां सदा ।
अवैधव्यं च सौभाग्यं देहि त्वं मम सुव्रते ॥
व्रताचे महत्त्व :
सावित्रीने आपल्या पतीचे प्राण यमराजाकडून परत मिळवले होते, म्हणूनच विवाहित स्त्रिया तिच्या स्मरणार्थ हे व्रत करतात. श्रद्धा, भक्ती आणि संकल्पाने केलेल्या या व्रतामुळे अखंड सौभाग्य प्राप्त होते, असे मानले जाते.
(Disclaimer :वरील सर्व माहिती केवळ माहितीच्या उद्देशाने वाचक-प्रेक्षकांपर्यंत पोहोचवत आहे. यातून जय महाराष्ट्र कोणताही दावा करत नाही किंवा कोणत्याही प्रकारची जबाबदारी स्वीकारत नाही.)
