Transfer of Nobel Prize: ‘नोबेल पुरस्काराचे हस्तांतरण…’; मारिया मचाडो आणि ट्रम्प यांच्या प्रकरणावर फाऊंडेशनचे मोठे विधान

Transfer of Nobel Prize: गेल्या वर्षीचा नोबेल शांतता पुरस्कार जिंकणाऱ्या व्हेनेझुएलाच्या नेत्या मारिया मचाडो यांनी आपला पुरस्कार अमेरिकेचे अध्यक्ष डोनाल्ड ट्रम्प यांना हस्तांतरित केल्याच्या चर्चेनंतर नोबेल फाऊंडेशनने एक महत्त्वाचे अधिकृत विधान जारी केले आहे. फाऊंडेशनने स्पष्ट केले आहे की, नोबेल पुरस्कार हा कोणत्याही परिस्थितीत इतर कोणालाही हस्तांतरित करता येणार नाही. फाऊंडेशनचे प्राथमिक उद्दिष्ट या पुरस्काराची प्रतिष्ठा आणि प्रशासकीय प्रक्रियेचे रक्षण करणे आहे, त्यामुळे अल्फ्रेड नोबेल यांच्या मृत्युपत्रातील तरतुदींचे काटेकोर पालन केले जाईल.

हेही वाचा – Donald Trump: आर्थिक दबाव की राजकीय धमकी? ग्रीनलँडबाबत अमेरिकेचा मोठा निर्णय; युरोपमध्ये संतापाची लाट

पुरस्काराचे हस्तांतरण किंवा पुनर्वितरण नियमाबाह्य 

समितीने आपल्या निवेदनात स्पष्टपणे नमूद केले आहे की, नोबेल पुरस्काराचे स्वरूप हे वैयक्तिक असून तो केवळ मूळ प्राप्तकर्त्यालाच दिला जातो. ज्या व्यक्तीने “मानवजातीसाठी सर्वात मोठा फायदा” मिळवून दिला आहे, अशाच व्यक्तीला हा सन्मान दिला जातो. त्यामुळे अगदी प्रतीकात्मकपणे देखील या पुरस्काराचे विभाजन किंवा पुनर्वितरण करणे शक्य नाही. पुरस्काराची अखंडता राखण्यासाठी आणि भविष्यातील कोणताही गोंधळ टाळण्यासाठी फाऊंडेशनने हे स्पष्टीकरण दिले आहे.

हेही वाचा – Amrican Pulses : अमेरिकन शेतकऱ्यांचे भारताच्या टॅरिफमुळे नुकसान होतेय.. सिनेट सदस्यांची ट्रम्पना या विषयात लक्ष देण्याची विनंती

पुरस्काराच्या वैधतेचा आणि प्रतिष्ठेचा सन्मान 

नोबेल पुरस्कारांचे पावित्र्य आणि वेगळेपण जपण्यासाठी फाऊंडेशन कटिबद्ध आहे. निवेदनात म्हटले आहे की, ‘हा पुरस्कार मानवी संस्कृतीतील सर्वोच्च सन्मानांपैकी एक आहे आणि त्याची प्रतिष्ठा जपणे ही फाऊंडेशनची प्राथमिक जबाबदारी आहे. कोणत्याही परिस्थितीत या सन्मानाशी तडजोड केली जाणार नाही,’ असे सांगत फाऊंडेशनने मानवतेसाठी दिलेल्या योगदानाचा सन्मान करण्याचे आणि ऐतिहासिक महत्त्व जपण्याचे आवाहन केले आहे.