एका गूढ भाकीतामुळे जपानमध्ये घबराट! 21 जूनपासून 700 हून अधिक भूकंप झाल्याने लोकांमध्ये विनाशाची भीती
Prediction of Tsunami in Japan on 5 July 2025 : सध्या 5 जुलै 2025 रोजी येणाऱ्या संभाव्य त्सुनामीची भीती जपान या देशात निर्माण झाली आहे. भविष्यवेत्ता रियो तात्सुकीने भाकीत केले आहे की, 5 जुलैला देशात एक विनाशकारी नैसर्गिक आपत्ती येऊ शकते.
काय आहे भयानक त्सुनामीचं भाकीत?
जपानमध्ये एका गूढ भाकीतामुळे सध्या जपानमध्ये भीती आणि चिंतेचे वातावरण आहे. या भीतीचे कारण म्हणजे जपानचे मंगा कलाकार आणि कथित भविष्यवेत्ता रियो तात्सुकी, ज्यांना लोक "जपानी बाबा वेंगा" म्हणू लागले आहेत, त्यांची भविष्यवाणी! त्यांचा दावा आहे की, 5 जुलै 2025 रोजी जपानमध्ये एक भयानक त्सुनामी येईल, जी 2011 च्या विनाशकारी त्सुनामीपेक्षाही मोठी असू शकते.
हेही वाचा – जगन्नाथ मंदिराच्या 'या' पायरीवर कधीच पाय ठेवत नाहीत.. अशी आहे यमराजाशी जोडलेली अद्भुत कथा
लोकांनी महिन्यांपूर्वीच विमान तिकिटे रद्द केली
या इशाऱ्याचा परिणाम आता स्पष्टपणे दिसून येत आहे. जपानमध्ये लोकांनी काही महिन्यांपूर्वीच इकडे जाण्यासाठीची विमान तिकिटे रद्द करण्यास सुरुवात केली. याचा थेट परिणाम देशाच्या आत आणि बाहेरील प्रवासावर झाला आहे. दक्षिणेकडील भागातील टोकारा बेट साखळीतील अकुसेकिजिमा बेटावर अलीकडेच झालेल्या सततच्या भूकंपांमुळे लोकांच्या चिंता आणखी वाढल्या आहेत.
टोकारा बेटावर भूकंपांचा पूर
21 जूनपासून टोकाराच्या अकुसेकिजिमा बेटावर सतत भूकंपाचे धक्के जाणवत आहेत. जपान हवामानशास्त्र संस्थेच्या (JMA) मते, 1 जुलैपर्यंत येथे 736 भूकंपांची नोंद झाली आहे. यापैकी 50 हून अधिक धक्के इतके तीव्र होते की, सामान्य लोकांना ते स्पष्टपणे जाणवू शकले.
हे भूकंपाचे धक्के किती तीव्र होते?
या भूकंपांची तीव्रता जपानच्या 7-पॉइंट स्केलवर किमान 3 आणि कमाल 5 च्या आसपास होती. असे धक्के घरांच्या कपाटातील वस्तू खाली पाडण्यासाठी पुरेसे आहेत.
अकुसेकिजिमा बेट कुठे आहे?
हे बेट एक ज्वालामुखी क्षेत्र आहे, जे समुद्रसपाटीपासून 150 मीटर उंचीवर आहे, ज्यामुळे त्सुनामीचा धोका काही प्रमाणात कमी होतो.
हेही वाचा – Ahmedabad Plane Crash: ज्योतिषीची भविष्यवाणी खरी ठरली? अहमदाबाद विमान अपघातानंतर चर्चेला उधाण
(Disclaimer : येथे दिलेली माहिती श्रद्धेवर आधारित आहे. याला कोणताही शास्त्रीय पुरावा नाही. जय महाराष्ट्र त्याची हमी देत नाही.)
जय महाराष्ट्र न्यूजवर ताज्या बातम्या आणि ब्रेकिंग न्यूज वाचा. अधिक माहितीसाठी भारताच्या बातम्या ब्राउझ करा.