Nagpur Leopard Rescue : नागपूरमध्ये बिबट्याला पकडण्याचा थरार; बचावकार्यात वन विभागाला यश

Nagpur Leopard Rescue : नागपूर शहरातील पारडी शिवनगर परिसरात गेल्या दोन दिवसांपासून बिबट्याच्या (Leopard in Pardi Shivnagar) दहशतीमुळे नागरिकांमध्ये भीतीचे वातावरण निर्माण झाले होते. अखेर, आज सकाळी थरारक बचावकार्यादरम्यान या बिबट्याला पकडण्यात वन विभागाला यश आले. या बिबट्याने पहाटेच्या वेळी केलेल्या हल्ल्यात 4 नागरिक जखमी झाले आहेत, ज्यांच्यावर रुग्णालयात उपचार सुरू आहेत.

दाट लोकवस्तीत शिरला बिबट्या
दोन दिवसांपूर्वी हा बिबट्या कापसी (Leopard in Kapsi) भागात दिसल्याची माहिती मिळाली होती, पण तो सापडला नाही. आज पहाटे 5 वाजून 30 मिनिटे ते 6 वाजताच्या दरम्यान हाच बिबट्या थेट शिवनगर भागातील दाट लोकवस्तीत शिरला. त्याने परिसरातील 4 नागरिकांना जखमी केले. त्यानंतर हा बिबट्या स्वतःला लपवण्यासाठी वर्मा कुटुंबियांच्या एका घरामध्ये शिरला. यामुळे संपूर्ण परिसरात खळबळ उडाली आणि नागरिकांमध्ये प्रचंड घबराट पसरली.

हेही वाचा – Ganesh Naik On Leopard attack : बिबट्या हल्ले रोखण्यासाठी सरकारची नवी योजना! आता जंगलात सोडणार 1 कोटींच्या शेळ्या-बकऱ्या? गणेश नाईकांचा खुलासा

बचाव पथकाला मोठी गर्दी नियंत्रणात आणण्याचे आव्हान
घटनेची माहिती मिळताच वन विभागाचे बचाव पथक (Leopard Rescue Team), वैद्यकीय तज्ञ (Medical Experts to catch Leopard) आणि पोलिसांचा मोठा फौजफाटा तातडीने घटनास्थळी दाखल झाला. परिसरामध्ये कायदा आणि सुव्यवस्था राखण्यासाठी तसेच बिबट्याला सुरक्षित पकडता यावे यासाठी कडक पोलीस बंदोबस्त (Strict Police Arrangement for Leopard Rescue) तैनात करण्यात आला. बिबट्याला पाहण्यासाठी आलेल्या बघणाऱ्यांची मोठी गर्दी झाली होती. या गर्दीला नियंत्रणात (Huge Crowd Control) आणणे हे पोलिसांसाठी मोठे आव्हान होते, कारण गर्दीमुळे होणाऱ्या आवाजाने बिबट्या बिथरण्याची आणि बचावकार्यात अडथळा येण्याची शक्यता होती.

डार्ट मारून बिबट्याला केले बेशुद्ध
वन विभागाने (Nagpur Forest Department Leopard Rescue) परिस्थितीचे गांभीर्य लक्षात घेऊन ऑपरेशन बिबट्या सुरू केले. सर्वप्रथम बिबट्या ज्या घरात लपला होता, त्या घराच्या मुख्य प्रवेशद्वाराबाहेर लगेच जाळी (Leopard Rescue Net) लावण्यात आली, जेणेकरून त्याला निसटण्याची संधी मिळू नये. यानंतर बचाव पथकाने वैद्यकीय तज्ञांच्या मार्गदर्शनाखाली बिबट्याला बेशुद्ध करण्यासाठी लागणारे डार्ट आणि विशेष बंदुकीची तयारी केली. अत्यंत काळजीपूर्वक आणि बिबट्याच्या हालचालीचा अंदाज घेऊन तज्ञांनी समोरील गच्चीवरून बिबट्यावर यशस्वीरित्या डार्ट फायर (Dart Fired Leopard Unconscious) केला.

हेही वाचा – Leopard Attack: वन्यप्राणी हल्ल्यांवर सरकारचा निर्णय; बिबट्या हल्ल्यातील मृतांच्या कुटुंबासाठी नोकरीचा प्रस्ताव चर्चेत

सुरक्षित स्थळी हलवले आणि मौदा परिसरात भीती
हा डार्ट लागताच बिबट्या कळवळला. त्याने स्वतःच्या बचावासाठी गच्चीवरून चढून पळण्याचा प्रयत्न केला, मात्र त्याचा हा प्रयत्न फसला. डार्टमधील औषधाच्या प्रभावाने बिबट्या काही वेळातच शांत झाला आणि तो बेशुद्ध झाला. बिबट्या पूर्णपणे बेशुद्ध झाल्यानंतर वन विभागाच्या कर्मचाऱ्यांनी त्याच्यावर मोठी जाळी टाकली, त्यानंतर एक चादर टाकून त्याला गुंडाळून सुरक्षितपणे बचाव व्हॅनमध्ये (Leopard Rescue Van) हलवण्यात आले. सध्या पकडलेल्या बिबट्याला पुढील वैद्यकीय तपासणी (Leopard Medical Examination) आणि निगा राखण्यासाठी सुरक्षित स्थळी नेण्यात आले आहे. दरम्यान, नागपूर जिल्ह्यातील मौदा येथील परमात्मा आश्रम (Parmatma Ashram) परिसरात गोठ्यात बांधलेल्या दोन जनावरांवर बिबट्याने हल्ला करून त्यांना ठार केल्याची माहिती समोर आली आहे. यामुळे मौदा परिसरातही भीतीचे वातावरण पसरले असून, नागरिकांनी वन विभागाने बिबट्याच्या वावराचा तात्काळ बंदोबस्त करण्याची मागणी केली आहे.