Ketan Agarwal Murder Case Update: होणाऱ्या पतीला लोहगड कड्यावरून ढकलून देणाऱ्या सियाचा पोलीस कोठडीत माज; पश्चाताप तर लांबच, केली ही मागणी

Ketan Agarwal Murder Case Update : महाराष्ट्रासह संपूर्ण देशाला हादरवून सोडणाऱ्या केतन अग्रवाल हत्या प्रकरणातील मुख्य आरोपी सिया गोयल आणि तिचा प्रियकर चेतन चौधरी यांच्याबाबत पोलीस कोठडीतून एक अत्यंत संतापजनक आणि थक्क करणारा खुलासा समोर आला आहे. लोहगडाच्या कड्यावरून होणाऱ्या नवऱ्याला ढकलून देऊन त्याचा क्रूरपणे जीव घेतल्यानंतरही, या दोन्ही आरोपींच्या चेहऱ्यावर कोणताही पश्चाताप किंवा भीती दिसत नसल्याचे पोलीस सूत्रांनी सांगितले आहे. उलटपक्षी, पोलीस लॉकअपमध्ये सियाचे वागणे पाहून तपास अधिकारीही चक्रावून गेले असून, तिच्या वावरण्याच्या आणि वागण्याच्या पद्धतीतून पैशांची आणि श्रीमंतीची प्रचंड घमेंड स्पष्टपणे झळकत आहे.

श्रीमंतीचा माज कायम आणि पोलिसांकडे मद्याची अवाजवी मागणी
न्यायालयाने पोलीस कोठडी सुनावल्यापासून सिया आणि चेतन या दोघांसाठी सध्या त्यांच्या घरून जेवण येत आहे. मात्र, अत्यंत निर्ढावलेल्या सियाला बिअर पिण्याची खूपच सवय असल्याने तिने थेट पोलीस लॉकअपमध्येच कर्तव्यावर असलेल्या पोलिसांकडे 'बिअर' आणून देण्याची धक्कादायक मागणी केली. या उद्धटपणावर पोलिसांनी तिला कडक शब्दांत खडसावले. त्यानंतर पर्यायच नसल्याने तिची बोलती बंद झाली. सध्या या दोन्ही आरोपींना सुरक्षेच्या कारणास्तव वेगवेगळ्या लॉकअपमध्ये ठेवण्यात आले असून, इतका मोठा गुन्हा करूनही दोघेही अत्यंत सामान्यपणे वागत आहेत. आपल्याला पैशांच्या जोरावर कोणीतरी सहज सोडवून नेईल, अशा थाटात वागणाऱ्या सियाच्या चेहऱ्यावर चिंतेची एक रेषही दिसत नाही.

हेही वाचा – Ketan Agarwal Case: 'त्या' दोन गोष्टींमुळे सिया करायची केतन अग्रवालचा तिरस्कार; क्रूर कृत्य करणाऱ्या आरोपीचा धक्कादायक कबुलीजबाब

लोणावळ्यातील कॅफेमध्ये रचला गेला हत्येचा अंतिम कट
पोलिसांनी या प्रकरणाच्या सखोल तपासादरम्यान लोणावळ्यातील 'त्या' कॅफेचे सीसीटीव्ही फुटेज जप्त केले आहे, जिथे केतनच्या हत्येचे संपूर्ण नियोजन करण्यात आले होते. या तांत्रिक पुराव्यांच्या विश्लेषणातून काही धक्कादायक बाबी समोर आल्या आहेत.
17 जून रोजी दुपारी ठीक 4:35 वाजता सिया आणि चेतन हे दोघेही या कॅफेमध्ये एकत्र आले होते.
तिथे बसून त्यांनी मोबाईलवर 'यूट्यूब' सुरू केले आणि लोहगड किल्ल्याचे व्हिडिओ पाहण्यास सुरुवात केली.
सुमारे 1 तास चाललेल्या या खलबतांमध्ये त्यांनी किल्ल्याच्या भौगोलिक रचनेची आणि कड्याची संपूर्ण माहिती घेतली.
या संपूर्ण नियोजनानंतर संध्याकाळी 5:30 वाजता दोघेही कॅफेमधून बाहेर पडले.

थंड डोक्याने केलेला खून आणि न्यायालयातील भक्कम तांत्रिक पुरावे
सीसीटीव्ही फुटेज आणि तांत्रिक तपासावरून हे स्पष्ट झाले आहे की, सिया आणि चेतन यांनी अत्यंत थंड डोक्याने आणि नियोजनबद्ध पद्धतीने केतन अग्रवालचा काटा काढला होता. सियाच्या वागण्यात अजिबात प्रगल्भता नसून ती प्रत्येक गोष्टीला अत्यंत हलक्यात घेत आहे. पोलीस आता या जप्त केलेल्या सीसीटीव्ही फुटेजच्या आणि तांत्रिक पुराव्यांच्या आधारे न्यायालयात दोघांविरुद्ध भक्कम बाजू मांडणार आहेत, जेणेकरून या गुन्ह्यातील निष्पाप तरुणाला न्याय मिळवून देता येईल आणि आरोपींना कठोर शिक्षा होईल.

हेही वाचा – Ketan Aggarwal Death Case: केतन अग्रवालच्या मृत्यूचा सापळा रचनाऱ्यांची आता खैर नाही; कायद्याचा फास आवळण्यासाठी उज्ज्वल निकम मैदानात