अकोलामध्ये धनगर आरक्षणासाठी ‘जागर’
जय महाराष्ट्र न्यूज, अकोला
आरक्षणाच्या मागणीसाठी मराठा समाजाचे राज्यभर आंदोलन सुरू असतानाच आता धनगर समाजही आक्रमक होताना दिसत आहे. अकोला येथे धनगर आरक्षणाच्या अंमलबजावणीसाठी धनगर समाजाचे आज जिल्हाधिकारी कार्यालयासमोर ढोल जागर आंदोलन करण्यात आले. धनगर समाजाचा अनुसूचित जातीत समावेश करण्यात यावा या प्रमुख मागणीसाठी हे आंदोलन करण्यात आले. यावेळी आंदोलकांनी पारंपरिक वाद्य वाजवून सरकारचे लक्ष वेधण्याचा प्रयत्न केला.
भाजप सरकारला सत्तेत येऊन चार वर्षे झाली आहेत. मात्र धनगर समाजाच्या आरक्षणाच्या बाबतीत हे सरकार टाळाटाळ करीत असल्याचा आरोप आंदोलकांनी केला. त्यामुळे झोपेचे सोंग घेतलेल्या सरकारला जागे करण्यासाठी ‘ढोल बजाव’ आंदोलन करण्यात आल्याचे आंदोलकांनी सांगितले. यावेळी मागणीचे निवेदन जिल्हाधिकारी यांना देण्यात आले.
धनगर समाजाच्या मागण्या –
- ताबडतोब धनगर आरक्षण जाहीर करा
- सरकारनं टिसला अहवाल तयार करायला सांगितलाय, मात्र 3 वर्षापासून अहवाल तयार नाही
- महाराष्ट्रात धनगर, धनगड हा एकच शब्द आहे. या स्वरुपाचा प्रस्ताव राज्याने केंद्राकडे पाठवावा
- 14 ऑगस्टला सर्व तहसिल कार्यालयावर निवेदन देणार, 24 ऑगस्टला जिल्हाधिकारी कार्यालयाला निवेदन देणार
- 8 सप्टेंबरला चौडी इथ मेळावा, तिथून आंदोलनाची रुपरेषा ठरणार
संबंधित बातम्या-
आरक्षणासाठी आता धनगर समाजही आक्रमक
आता आरक्षणासाठी धनगर समाजही रस्त्यावर उतरणार…
धनगर समाज आरक्षणासाठी आक्रमक; ढोल आंदोलनाचा दिला इशारा
विधिमंडळात धनगर आरक्षणावरून गोंधळ
धनगर आरक्षणासंदर्भातील आश्वासन पाळावं अन्यथा… धनगर समाजाचा इशारा
आरक्षणासाठी धनगर समाजाचं विठ्ठलाला साकड
जय महाराष्ट्र न्यूजवर ताज्या बातम्या आणि ब्रेकिंग न्यूज वाचा. अधिक माहितीसाठी भारताच्या बातम्या ब्राउझ करा.