यलमार दाम्पत्याकडून वारीतील पोलिसांच्या पोटाची सेवा

पंढरपूरच्या आषाढी यात्रेच्या बंदोबस्तासाठी राज्याच्या कानाकोपऱ्यातून जवळपास ७००० पोलीस अधिकारी, कर्मचारी, होमगार्ड दाखल झाले आहेत. भाविकांच्या सुरक्षितेची काळजी पोलीसांच्या वतीने घेतली जाते. आपल्या पोलीस बांधवांना मोफत जेवण देण्यासाठी वामन यलमार व त्यांच्या पत्नी यांनी पुढाकार घेतला आहे. यलमार यांच्या पत्नीचे बचत गट तसेच मित्र मंडळ यांच्या माध्यमातून एकत्रित येऊन पोलिसांना नाश्ता व दोन वेळचे जेवण दिले जात आहे. पंढरपुरात कायमच पोलिसांच्या राहण्याच्या आणि जेवणाची वारी काळात मोठी अडचण निर्माण होते. याच अडचणीवर आता पंढरपूरच्या पोलीस कुटुंबाने मित्रमंडळी व बचत गट महिलांच्या माध्यमातून मात देत वारकरी भक्तांची सेवा करणाऱ्या पोलिसांच्या पोटाची सेवा करत एकप्रकारे विठ्ठलाचा प्रसाद देण्याचे काम करत आहेत.