Rupee International Trade : भारतीय चलनातच होणार 34 देशांशी थेट व्यवहार; डॉलरवरील अवलंबित्व घटणार, व्यापाराला नवी दिशा

Rupee International Trade : भारतीय रुपयाने (Indian Rupee) आंतरराष्ट्रीय व्यापारात (International Trade) मोठी मजल मारली आहे. आता जगातील एकूण 34 देशांसोबत भारतीय रुपयात थेट व्यापार (Direct Trade) होत आहे. फॉरेक्स एक्सचेंज डीलर असोसिएशन (FEDAI) च्या आकडेवारीनुसार, 2022 पर्यंत ही संख्या केवळ 18 होती, याचाच अर्थ अवघ्या काही वर्षांत रुपयाची पोहोच अधिक देशांपर्यंत झाली आहे. रिझर्व्ह बँक ऑफ इंडिया (RBI) च्या अधिकाऱ्यांनी निर्यातदारांसोबत झालेल्या बैठकीत ही आकडेवारी नुकतीच शेअर केली.

आंतरराष्ट्रीय व्यापारात रुपयाची वाढती ताकद
रुपयात होणारे व्यवहार वाढल्यामुळे डॉलरवरील अवलंबित्व कमी होईल, असे निर्यातकांनी म्हटले आहे. विविध प्रसारमाध्यमांमधून मिळालेल्या माहितीनुसार, रशिया-युक्रेन (Russia-Ukraine) युद्धानंतर रुपयाच्या आंतरराष्ट्रीयीकरणाची (Internationalisation) गरज अधिक तीव्रतेने जाणवली होती. रुपयात व्यवहार वाढल्याने व्यापाराचा खर्च आणि जोखीम देखील कमी होते. यामुळे निर्यातदारांना (Exporters) उत्पादन खर्च कमी झाल्याने जागतिक बाजारात अधिक चांगल्या प्रकारे स्थान निर्माण करण्यास मदत होते.

हेही वाचा – Pension Scheme: सरकारी कर्मचाऱ्यांसाठी मोठी बातमी! आजपासून NPS संदर्भातील 'हा' महत्त्वाचा पर्याय बंद

राजकीय हस्तक्षेपापासून मिळणार मुक्ती
डॉलरच्या किमती आणि पेमेंट (Payment) पद्धतींवर बाह्य राजकीय प्रभाव पडू शकतो, ज्यामुळे व्यापारामध्ये अडथळे निर्माण होऊ शकतात. या सर्व समस्यांपासून संरक्षण मिळवण्यासाठी रुपयात व्यापार वाढवणे हे एक अत्यंत सकारात्मक पाऊल सिद्ध होऊ शकते. यामुळे आंतरराष्ट्रीय स्तरावर भारतीय चलनाची स्वीकृती सातत्याने वाढत आहे.

या देशांशी थेट व्यवहार
भारत आता रुपयात अनेक मोठे आणि विकसनशील देशांसोबत थेट व्यवहार (Trade with Emerging Countries) करत आहे. यामध्ये ऑस्ट्रेलिया, बांग्लादेश, बेलारूस, बेल्जियम, बोत्सवाना, चीन, इजिप्त, फिजी, आर्मेनिया, जर्मनी, गुयाना, इंडोनेशिया, जपान, केनिया, कझाकिस्तान, किर्गिस्तान, मालदीव, मॉरीशस, मैगनोलिया, म्यानमार, न्यूझीलंड यांसारख्या देशांचा समावेश आहे. याव्यतिरिक्त ओमान, कतार, रूस, सिंगापूर, दक्षिण कोरिया, श्रीलंका, टांझानिया, संयुक्त अरब अमिरात, युगांडा, युनायटेड किंगडम आणि संयुक्त राज्य अमेरिका यांसारख्या मोठ्या देशांमध्येही आता रुपयात व्यापार होत आहे.

हेही वाचा – Share Market News : शेअर बाजारात पुन्हा एकदा नवा विक्रम, सेन्सेक्स-निफ्टीने रचला इतिहास