Stock Market Today: फेडरल बैठकीपूर्वी भारतीय शेअर बाजारात तेजी; मोदी-ट्रम्प कॉलनंतर गुंतवणूकदारांमध्ये सकारात्मकता

Stock Market Today: बुधवारी भारतीय शेअर बाजाराने सकारात्मक सुरुवात केली. भू-राजकीय तणावात झालेली शिथिलता, यूएस फेडरल रिझर्व्हकडून संभाव्य व्याजदर कपातीची अपेक्षा आणि पंतप्रधान नरेंद्र मोदी व अमेरिकेचे अध्यक्ष डोनाल्ड ट्रम्प यांच्यातील फोन संभाषण यामुळे गुंतवणूकदारांच्या भावनांना बळ मिळाले.

सुरुवातीचे आकडे

निफ्टी 50 : 25,276.60 वर, 37.50 अंकांची (0.15%) वाढ
सेन्सेक्स : 82,498.97 वर, 118.28 अंकांची (0.14%) वाढ

सकारात्मक संकेत

मोदी-ट्रम्प कॉलनंतर भारत-अमेरिका संबंध सुधारण्याची शक्यता गुंतवणूकदारांसाठी दिलासा देणारी ठरली. दोन्ही नेत्यांनी भारत-अमेरिका धोरणात्मक भागीदारी मजबूत करण्याचा संकल्प व्यक्त केला आणि युक्रेन संघर्ष संपवण्याबाबत चर्चा केली. अमेरिकेसोबत सुरू झालेल्या व्यापार चर्चेमुळे शेअर बाजारात सकारात्मक परिणाम दिसून आला. 

तज्ज्ञांचे मत – 

बाजार विश्लेषक अजय बग्गा यांनी सांगितले की, 'भारतीय बाजारात फ्युचर्स सकारात्मक आहेत. तथापी, अमेरिका आणि आशियाई बाजार वेट-अँड-वॉच मोडमध्ये आहेत. अमेरिकेने टॅरिफ वक्तृत्व कमी केल्यास भारतीय बाजारांसाठी हे अधिक सकारात्मक ठरेल.'

हेही वाचा – UPI QR Cash Withdrawal: ATM कार्ड नसलं तरी पैसे काढा! UPI QR कोडने मिळणार रोख रक्कम सहज आणि त्वरित

क्षेत्रीय हालचाल

निफ्टी ऑटो : +0.14 टक्के
निफ्टी FMCG : +0.29 टक्के
निफ्टी IT : +0.32 टक्के
निफ्टी मीडिया : +0.34 टक्के
निफ्टी मेटल : +0.32 टक्के
निफ्टी फार्मा : +0.04 टक्के
निफ्टी PSU बँक : +0.21 टक्के

हेही वाचा – ITR Due Date Extension : टॅक्स भरण्याची तारीख वाढवली, रात्री उशिरा घोषणा; नेटिझन्सचा संताप म्हणाले, 'हा तर करदात्यांचा अपमान'

दरम्यान, फेडरल रिझर्व्हच्या या वर्षीच्या पहिल्या व्याजदर कपातीची अपेक्षा वाढली आहे. जागतिक बाजारपेठा आता या निर्णयाची वाट पाहत आहेत, ज्यामुळे भविष्यातील व्यापारी भावनांवर परिणाम होऊ शकतो. आजच्या सुरुवातीच्या व्यवहारात, बीएसई मिडकॅप निर्देशांक 0.3 टक्के आणि स्मॉलकॅप निर्देशांक 0.5 टक्के वाढला. आंतरबँक परकीय चलन बाजारात सुरुवातीच्या व्यवहारात रुपया अमेरिकन डॉलरच्या तुलनेत 27 पैशांनी वधारून 87.82 वर पोहोचला.