सामोशांचा खमंग वास.. लोको पायलटला राहववलं नाही.. चक्क ट्रेन थांबवली आणि घेतलं पार्सल! रेल्वेने सांगितलं, घटना खरी असली तरी..

Loco Pilot Samosa Video : मध्य प्रदेशातील इंदूर-महू रेल्वे मार्गावरील एक अत्यंत धक्कादायक आणि रंजक व्हिडिओ सध्या सोशल मीडियावर तुफान व्हायरल होत आहे. या व्हिडिओमध्ये एक धावती ट्रेन अचानक रेल्वे रुळांवर थांबते, त्यानंतर इंजिनमधून एक कर्मचारी खाली उतरून जवळच्या दुकानात जातो आणि तिथून गरमागरम समोसे-कचोरी घेऊन पुन्हा इंजिनमध्ये चढतो. तो परत येताच रेल्वे काही क्षणांतच पुढे रवाना होते. सोशल मीडियावर हा कर्मचारी लोको पायलट असल्याचा दावा केला जात असून, समोसे खाण्याच्या नादात हा प्रकार रोजच घडतो आणि त्यामुळे ट्रेनला रोज 10 मिनिटांचा उशीर होतो, असाही आरोप नेटकऱ्यांकडून केला जात आहे.

रेल्वे प्रशासनाने फेटाळला व्हायरल दावा
व्हायरल व्हिडिओमुळे रेल्वे सेवा नियमांचे उल्लंघन झाल्याचे आरोप झाल्यानंतर रेल्वे प्रशासनाने तातडीने यावर अधिकृत स्पष्टीकरण दिले आहे. रेल्वेच्या जनसंपर्क विभागाने दिलेल्या माहितीनुसार, समोसे किंवा कचोरी खरेदी करण्यासाठी ट्रेन मुद्दाम थांबवण्यात आलेली नव्हती. प्रत्यक्षात RAU यार्ड परिसरात रेल्वेचे काही तांत्रिक काम सुरू असल्यामुळे तिथे सिग्नल मिळाला आणि त्याच कारणामुळे ट्रेन थांबली होती. ट्रेन आधीच थांबलेली असल्यामुळे, त्या वेळेचा फायदा घेत सहाय्यक लोको पायलट खाली उतरून समोसे घेऊन आला होता. त्यामुळे ‘समोसे घेण्यासाठी ट्रेन थांबवली’ हा सोशल मीडियावरील दावा पूर्णपणे चुकीचा आणि दिशाभूल करणारा असल्याचे रेल्वेने स्पष्ट केले आहे.

Fact Check
The claim made in this post is false and misleading. The goods train (Concor Green Field Private Terminus), hauled by Loco Nos. 27237 & 27600, was already halted at RAU Home Signal due to scheduled engineering work in the RAU yard. It was not stopped to purchase food.… pic.twitter.com/DXhg5L0MGd — Western Railway (@WesternRly) July 8, 2026

Dear Passenger , Goods Train CGPT, hauled by Loco Nos. 27237 + 27600, was stopped at the RAU Home Signal due to engineering work being carried out on the track in the RAU yard. During this stoppage, the Assistant Loco Pilot (ALP) was seen purchasing samosa and kachori. The train… — DRM Ratlam (@RatlamDRM) July 7, 2026

हेही वाचा – Mahindra Thar Ban : पर्यटकांची लाडकी ‘महिंद्रा थार’ या राज्यातून हद्दपार होणार? रस्ते अपघात रोखण्यासाठी वाहतूक मंत्र्यांचे मोठे पाऊल

घटनेची गंभीर दखल; चौकशीचे आदेश
रेल्वेने व्हायरल झालेला दावा फेटाळला असला तरी या संपूर्ण प्रकरणाची गंभीर दखल प्रशासनाकडून घेण्यात आली आहे. ड्युटीवर असताना अशा प्रकारे खाली उतरणे रेल्वेच्या शिस्तीत बसत नसल्याने या प्रकरणाच्या सखोल चौकशीचे आदेश देण्यात आले आहेत. संबंधित ट्रेन नेमकी किती वेळ तिथे थांबली होती, ट्रेन थांबण्यामागचे नेमके तांत्रिक कारण काय होते आणि संबंधित सहाय्यक लोको पायलटने रेल्वे सेवा नियमांचे उल्लंघन केले आहे का, याची सखोल पडताळणी केली जाणार आहे. या चौकशीचा अंतिम अहवाल आल्यानंतर दोषी कर्मचाऱ्यावर आवश्यक ती कडक कारवाई केली जाईल, असे प्रशासनाने स्पष्ट केले आहे.

VIDEO | Indore: Commenting on the incident, Railway Public Relations Officer, Western Railway zone, Mukesh Kumar says, “We also came to know about this through social media. Since it is on social media, we cannot confirm its authenticity. However, as it appears to be a video from… https://t.co/TmCHfCdwUl pic.twitter.com/5IJKVSR6l3 — Press Trust of India (@PTI_News) July 8, 2026

नेटकऱ्यांच्या चर्चा आणि चौकशीकडे लक्ष
एकीकडे सोशल मीडियावर या व्हिडिओमुळे रेल्वेच्या कारभारावर उलटसुलट चर्चा आणि उपरोधिक कमेंट्सचा पाऊस पडत आहे, तर दुसरीकडे रेल्वेने यामागे तांत्रिक कारण असल्याचे सांगत परिस्थिती हाताळण्याचा प्रयत्न केला आहे. या व्हायरल दाव्यामध्ये नेमके किती तथ्य आहे आणि रेल्वेने दिलेले कारण कितपत योग्य आहे, याचे अचूक उत्तर आता प्रशासनाच्या अधिकृत चौकशी अहवालानंतरच समोर येईल. मात्र, या संपूर्ण प्रकरणामुळे इंदूर-महू रेल्वे मार्गावरील हा समोसे-कचोरीचा किस्सा सध्या देशभरात चांगलाच चर्चेचा विषय ठरला आहे.

हेही वाचा – Snakebite : अजब धाडस! नवऱ्याला वाचवण्यासाठी पत्नीने तोंडाने शोषलं कोब्राचं विष; त्यानंतर…