Ganesh Visarjan Muhurat 2025 : अनंत चतुर्दशीला गणेश विसर्जनासाठीचा शुभ मुहूर्त; जाणून घ्या कधी कराल पूजाविधी

Ganesh Visarjan 2025 Muhurat Timings : गणेश उत्सव अनंत चतुर्दशीला गणेश विसर्जनाने संपतो. गणेशभक्त शुभ मुहुर्तावर गणपती बाप्पाची पूजा करतात आणि त्यांना निरोप देतात. असे मानले जाते की, यामुळे वर्षभर गणेशाचे आशीर्वाद भक्तांवर राहतात आणि आनंद आणि समृद्धी येते. गणेश विसर्जनाचा शुभ काळ आणि पद्धत जाणून घेऊ.
गणेश उत्सव गणेश चतुर्थीपासून सुरुवात करून,अनंत चतुर्दशीला संपतो. या दिवशी, घरात गणेशजीची स्थापना करणारे सर्व लोक गणेश विसर्जनाने बाप्पाला निरोप देतात. यावेळी अनंत चतुर्दशी शनिवार, 6 सप्टेंबर 2025 रोजी आहे. अनंत चतुर्दशीला गणपती बाप्पाची पूजा विधीपूर्वक केली जाते आणि त्यानंतर बाप्पाला निरोप दिला जातो. गणेश विसर्जनाचा शुभ मुहूर्त आणि अनंत चतुर्दशीला विसर्जनाची पद्धत जाणून घेऊया.

अनंत चतुर्दशी 2025 रोजी गणेश विसर्जनाचा शुभ मुहूर्त
– सकाळी 7:26 ते 9:10 पर्यंत शुभ घडी.
– दुपारी 1:54 ते 3:28 पर्यंत लाभ घडी.
– दुपारी 3:28 ते 5:03 पर्यंत अमृत घडी.
– संध्याकाळी 6:37 ते 8:03 पर्यंत लाभ घडी.
– संध्याकाळी शुभ घडी 9:29 ते 10:55 पर्यंत.
– अमृत काळ दुपारी 12:50 ते 2:23 पर्यंत.
– गोधुली मुहूर्त संध्याकाळी 6:37 ते 7 पर्यंत आहे.

हेही वाचा – Anant Chaturdashi 2025 : अनंत सूत्र 14 गाठींचेच का बांधले जाते? जाणून घेऊ महत्त्व आणि पूजेचा शुभ काळ

अनंत चतुर्दशी गणेश विसर्जन विधी
– ज्या दिवशी तुम्ही गणपतीचे विसर्जन कराल, त्या दिवशी गणपतीची पूजा करा.
– यानंतर, लाकडी स्टूल घ्या, त्यावर स्वस्तिक काढा आणि तांदळाचे दाणे ठेवा, नंतर वर गुलाबी रंगाचे कापड पसरवा. कापडाच्या चारही टोकांना सुपारी ठेवा.
– त्यानंतर, गणपती बाप्पा मोरया म्हणत म्हणत, यावर गणपतीची मूर्ती स्थापन करा.
– यानंतर, पुन्हा गणपतीची आरती करा आणि त्यांना नैवेद्य अर्पण करा. त्यांच्यासमोर फळे आणि मोदक ठेवा. गणेशजींना नवे वस्त्र घाला.
– एक रेशमी कापड घ्या, त्यात काही फुले, मोदक, सुपारी आणि फळे ठेवा आणि ते गणेशजींजवळ ठेवा.
– यानंतर, हात जोडून गणपतीची प्रार्थना करा. नंतर पूजा करताना झालेल्या कोणत्याही चुकांबद्दल गणेशजींकडून क्षमा मागा. नंतर गणेशजींच्या उजव्या कानात तुमची इच्छा जर – काही असेल तर ती सांगा आणि गणपती बाप्पा मोरया असा जयघोष करत गणेशमूर्ती विसर्जनस्थळी घेऊन जा.
– विसर्जन करताना, गणपतीची कापूर लावून आरती करा. नंतर त्यांचे विसर्जन करा. जर तुम्ही गणेशमूर्ती स्टुलासहित नेली असेल तर, ते स्टूल घरी परत आणा. नंतर तुम्ही याचा वापर करू शकता.
– गणेश विसर्जनानंतर वर्षभर भक्तांवर गणेशजींचा आशीर्वाद राहतो, अशी धार्मिक श्रद्धा आहे. गणेशजींच्या आशीर्वादाने भक्तांवर सुख आणि समृद्धी राहते. परंतु, शुभ मुहूर्तावर बाप्पाचे विसर्जन करणे सर्वोत्तम आहे.

हेही वाचा – Anant Chaturdashi: अनंत चतुर्दशीचे महत्व काय ?, या दिवशी हे 5 सोपे उपाय नक्की करा, जाणून घ्या…

(Disclaimer : ही बातमी सामान्य माहितीवर आधारित आहे. जय महाराष्ट्र याचा दावा करत नाही किंवा हमी देत नाही.)