Govinda Hospitalised: अभिनेता गोविंदाची प्रकृती बिघडली; रुग्णालयात उपचार सुरू

Govinda Hospitalised: अभिनेता गोविंदा यांची प्रकृती मंगळवारी रात्री अचानक बिघडली, ज्यामुळे त्यांना तातडीने रुग्णालयात दाखल करण्यात आले. रात्री सुमारे 8:30 वाजता गोविंदा अचानक बेशुद्ध झाले. डॉक्टरांच्या सल्ल्यानुसार त्यांना काही औषधे देण्यात आली. औषध घेतल्यानंतर त्यांची प्रकृती थोडी सुधारली, परंतु रात्री 12:30 च्या सुमारास त्यांना पुन्हा अस्वस्थ वाटू लागले. सुमारे 1 वाजता गोविंदाला मुंबईच्या क्रिटिकल केअर हॉस्पिटलमध्ये दाखल केले गेले, जिथे त्यांच्यावर विविध चाचण्या करण्यात आल्या. सध्या गोविंदा डॉक्टरांच्या देखरेखीखाली असून त्यांची प्रकृती स्थिर आहे. दरम्यान, अभिनेत्याने आपल्या आरोग्याबाबत अपडेट दिली आहे. “मी ठीक आहे…” असं गोविंदाने सांगितलं आहे. सकाळी गोविंदाला जुहू येथील क्रिटिकेअर एशिया मल्टीस्पेशालिटी हॉस्पिटलमध्ये दाखल करण्यात आले. त्याचे व्यवस्थापक शशी सिन्हा यांनी सांगितल्याप्रमाणे, गोविंदाची प्रकृती स्थिर असून तो सध्या निरीक्षणाखाली आहे. डॉक्टर दुपारी त्याच्या प्रकृतीचा आढावा घेतील अशी अपेक्षा आहे, त्यानंतर पुढील निर्णय घेतला जाईल. गोविंदाच्या वैद्यकीय चाचण्या अजूनही सुरू आहेत, असेह ते पुढे म्हणाले.

हेही वाचा – Amruta Fadnavis : ‘देवेंद्र फडणवीस यांच्या खात्यावर पैसेचं नसतात…’; नेमकं काय म्हणाल्या अमृता फडणवीस…

अलीकडेच गोविंदा यांनी ब्रीच कँडी हॉस्पिटलमध्ये ज्येष्ठ अभिनेता धर्मेंद्र यांची भेट घेतली होती. भेटीदरम्यान गोविंदा खूप भावनिक दिसले, आणि धर्मेंद्र यांच्या बिघडत्या प्रकृतीवर चिंता व्यक्त केली. गोविंदाच्या रुग्णालयात दाखल होण्याची बातमी समोर येताच चाहत्यांमध्ये चिंता पसरली असून, ते त्यांच्या लवकर बरे होण्यासाठी प्रार्थना करत आहेत.

हेही वाचा – Dharmendra Health Update: ज्येष्ठ अभिनेते धर्मेंद्र यांना हॉस्पिटलमधून मिळाला डिस्चार्ज; घरातच सुरू राहणार उपचार

दरम्यान, गोविंदाला एक वर्षापूर्वी पायाला गोळी लागल्याची घटना घडली होती. मुंबईतील त्यांच्या घरात ठेवलेल्या परवानाधारक रिव्हॉल्व्हरमुळे गोळी त्यांच्या डाव्या गुडघ्याला लागली होती. त्यानंतर त्यांना तत्काळ रुग्णालयात दाखल करण्यात आले होते. शस्त्रक्रियेनंतर गोळी काढण्यात आली. या घटनेची पोलिसांनी चौकशी केली होती.