Ladki Bahin Yojana: लाडक्या बहिणींनो, योजनेच्या पैशांबाबत आली सर्वात मोठी अपडेट! जाणून घ्या, जून महिन्याचा हप्ता कधी जमा होणार

Ladki Bahin Yojana Latest Update : 'मुख्यमंत्री माझी लाडकी बहीण योजने'च्या पैशांची वाट पाहणाऱ्या राज्यातील लाखो महिलांसाठी एक अत्यंत महत्त्वाची बातमी समोर आली आहे. चालू जून महिना संपायला अवघे 6 दिवस शिल्लक राहिले आहेत, तरीही अजूनपर्यंत महिलांच्या खात्यात जूनचा हप्ता जमा न झाल्याने लाभार्थ्यांमध्ये संभ्रमाचे वातावरण पाहायला मिळत आहे. पैसे वेळेवर मिळत नसल्याच्या तक्रारी अनेक महिलांकडून केल्या जात असतानाच, आता हा रखडलेला हप्ता नेमका कधी मिळणार याबद्दलची प्रतीक्षा लवकरच संपणार असल्याचे संकेत मिळाले आहेत.

बँक खात्यात पैसे कधी जमा होणार? संभाव्य तारीख समोर
सूत्रांकडून मिळालेल्या ताज्या माहितीनुसार, जून महिन्याचा 1500 रुपयांचा हप्ता 28 ते 30 जूनदरम्यान किंवा थेट जुलै महिन्याच्या पहिल्या आठवड्यात पात्र महिलांच्या बँक खात्यात हस्तांतरित केला जाण्याची दाट शक्यता आहे. यापूर्वीचा इतिहास पाहिला तर राज्य सरकारने अनेकदा महिन्याच्या शेवटी किंवा पुढील महिन्याच्या सुरुवातीलाच निधीचे वाटप केले आहे. उदाहरणार्थ, मार्च आणि एप्रिल महिन्यांचे हप्ते एकत्र दिल्यानंतर, मे महिन्याचा निधी तब्बल 16 जून रोजी जारी करण्यात आला होता. त्यामुळे या वेळीही जूनच्या अखेरीस खात्यात पैसे जमा होतील, अशी आशा महिलांना आहे.

हेही वाचा – Maharashtra Government : लग्नपत्रिकेवरती आता नवरा नवरीच्या नावापुढे ही जन्मतारीख लिहावी लागणार? राजस्थान निर्णयानंतर महाराष्ट्र सरकारचा मोठा निर्णय

आधार लिंकिंग आणि ई-केवायसीचे कडक नियम
दरम्यान, या योजनेचा गैरफायदा रोखण्यासाठी आणि पारदर्शकता आणण्यासाठी सरकारने काही नियमांची अंमलबजावणी अधिक कडक केली आहे. सर्व लाभार्थी महिलांचे बँक खाते त्यांच्या आधार कार्डशी (Aadhaar Card) लिंक असणे अनिवार्य करण्यात आले आहे; अन्यथा योजनेचा निधी खात्यात जमा होण्यात तांत्रिक अडथळे येऊ शकतात. याशिवाय, सरकारने नुकतीच ई-केवायसी (e-KYC) च्या माध्यमातून लाभार्थ्यांची कडक पडताळणी मोहीम राबवली आहे, ज्यामध्ये मोठ्या प्रमाणावर अपात्र ठरलेले अर्ज बाद करण्यात आले आहेत.

केवळ पात्र महिलांनाच मिळणार लाभ
या संपूर्ण छाननी प्रक्रियेनंतर आता केवळ खऱ्या आणि पात्र महिलांनाच या योजनेचा थेट लाभ दिला जात आहे. राज्य शासनाने दिलेल्या अधिकृत माहितीनुसार, सध्या संपूर्ण महाराष्ट्रात सुमारे 1 कोटी 70 लाख पात्र महिला या योजनेचा यशस्वीरित्या लाभ घेत आहेत. जरी जूनच्या हप्त्यासाठी महिलांना थोडी वाट पाहावी लागत असली, तरी प्रशासकीय प्रक्रिया पूर्ण होताच हा निधी थेट खात्यात वर्ग केला जाणार असल्याने महिलांनी आपले बँक खाते अपडेट ठेवण्याचे आवाहन केले जात आहे.

हेही वाचा – Tukaram Mundhe : मोठी बातमी! तुकाराम मुंढेंची महत्त्वाच्या पदावरून उचलबांगडी; प्रशासनात खळबळ