Russia Missile Attack: तुर्कमेनिस्तानमध्ये पुतिन-एर्दोगन बैठक सुरू असतानाच समुद्रात तुर्की जहाजावर रशियाचा मिसाइल हल्ला

रशियाचे राष्ट्राध्यक्ष Vladimir Putin आणि तुर्कीचे राष्ट्राध्यक्ष Recep Tayyip Erdogan हे तुर्कमेनिस्तानची राजधानी Ashgabat येथे आयोजित आंतरराष्ट्रीय शांतता आणि विश्वास कार्यक्रमात सहभागी झाले होते. या कार्यक्रमाच्या निमित्ताने दोन्ही नेत्यांमध्ये द्विपक्षीय बैठकही सुरू होती. मात्र, या राजनैतिक चर्चांच्या दरम्यानच रशिया आणि तुर्कीमधील तणाव अधिक तीव्र झाल्याचे चित्र समोर आले आहे. तुर्की युक्रेन युद्धात सातत्याने मदत करत असल्याने रशियाने तीव्र प्रतिक्रिया दिली आहे. Erdogan आणि Putin यांची बैठक सुरू असतानाच रशियन सैन्याने काळ्या समुद्रात (Black Sea) मध्ये तुर्कीच्या एका मालवाहू जहाजावर मोठा मिसाइल हल्ला केला.

या हल्ल्यामुळे आंतरराष्ट्रीय स्तरावर खळबळ उडाली असून, युद्धाचा विस्तार वाढण्याची भीती व्यक्त केली जात आहे. या हल्ल्यानंतरचा व्हिडिओ सोशल मीडियावर समोर आला आहे. व्हिडिओमध्ये तुर्कीचे जहाज आगीच्या मोठ्या ज्वाळांमध्ये सापडलेले स्पष्टपणे दिसत आहे. हा हल्ला तुर्कीने युक्रेनला रशियन जहाजांवर हल्ल्याची परवानगी दिल्यानंतर रशियाकडून करण्यात आलेली पहिली मोठी प्रतिकारात्मक कारवाई असल्याचे सांगितले जात आहे.

हेही वाचा: Anmol Bishnoi Custody : गँगस्टर अनमोल बिश्नोईचा ताबा कोणत्या एजन्सीला मिळणार?; गृह मंत्रालयाचा निर्णय आला समोर

मिळालेल्या माहितीनुसार, तुर्कीचे Cenk RoRo हे मालवाहू जहाज युक्रेनची राजधानी Kyiv साठी वीज निर्मितीचे जनरेटर घेऊन जात होते. रशियाने युक्रेनमधील वीज केंद्रे आणि ऊर्जा पायाभूत सुविधांवर सतत हल्ले केल्यामुळे तेथे मोठा ऊर्जा संकट निर्माण झाले आहे. या पार्श्वभूमीवर तुर्की युक्रेनला जनरेटरचा पुरवठा करत होते. रशियन लष्कराला ही माहिती मिळताच त्यांनी Odessa Port जवळ असलेल्या या तुर्की जहाजावर बॅलिस्टिक मिसाइलने हल्ला केला. हल्ल्यानंतर रशियाकडून स्पष्ट इशारा देण्यात आला की, जो कोणी रशियाला नुकसान पोहोचवेल, त्याला त्याची किंमत मोजावी लागेल.

दरम्यान, युक्रेनचे राष्ट्राध्यक्ष Volodymyr Zelenskyy यांनी या हल्ल्याचा तीव्र निषेध केला आहे. त्यांनी सांगितले की रशियाचे हे हल्ले कोणत्याही लष्करी उद्देशासाठी नाहीत, तर युक्रेनमधील सामान्य नागरिकांचे जीवन पूर्णपणे उद्ध्वस्त करण्यासाठीच आहेत. Odessa परिसरातील ऊर्जा यंत्रणा आणि नागरी जहाजांवर झालेले हल्ले हे रशियाच्या आक्रमक धोरणाचेच उदाहरण असल्याचे Zelenskyy यांनी म्हटले आहे.

या घटनेनंतर आंतरराष्ट्रीय समुदायाने संयम राखण्याचे आवाहन केले असून, युद्ध आणखी व्यापक होऊ नये यासाठी जागतिक स्तरावर चिंता व्यक्त केली जात आहे.

हेही वाचा: Cricket Match Fixing: क्रिकेटविश्वात खळबळ! मॅच फिक्सिंगप्रकरणी चार खेळाडूंविरोधात FIR, नेमकं प्रकरण काय?