UPI Down: यूपीआय सर्व्हर पुन्हा डाउन! GPay, PhonePe, Paytm वापरकर्त्यांना करावा लागतोय अडचणींचा सामना

UPI Down: आज सकाळी देशभरात युनिफाइड पेमेंट्स इंटरफेस (UPI) सेवा ठप्प झाली आहे. ज्यामुळे डिजिटल व्यवहारांवर गंभीर परिणाम झाला आहे. सकाळी 11:26 वाजल्यापासून लोकांना UPI वरून पेमेंट करण्यास अडचणी येत आहेत. डाउनडिटेक्टरच्या मते, या काळात मोठ्या संख्येने वापरकर्त्यांनी UPI-संबंधित समस्यांची तक्रार केली. सकाळी 11:41 च्या सुमारास UPI सेवा खंडित होण्याच्या तक्रारी नोंदवण्यात आल्या. एकाच वेळी 222 हून अधिक तक्रारी नोंदवण्यात आल्या. 

वापरकर्त्यांनी तक्रार केली की ते गुगल पे, फोनपे, पेटीएम सारख्या थर्ड-पार्टी अॅप्सद्वारे पेमेंट करू शकत नाहीत. अनेक लोकांचे व्यवहार वारंवार अयशस्वी होत होते आणि त्यांना पैसे पाठवण्यात किंवा प्राप्त करण्यात मोठ्या अडचणी येत होत्या.

हेही वाचा – YouTube Shorts मध्ये येणार नवे AI फीचर्स! व्हिडिओ बनवणं होणार अधिक सोपं

वापरकर्त्यांनी 'एक्स' (पूर्वी ट्विटर) या सोशल मीडिया प्लॅटफॉर्मवर आपला संताप  व्यक्त केला. एका वापरकर्त्याने लिहिले, 'यूपीआय पुन्हा बंद झाला आहे. सर्व पेमेंट अयशस्वी होत आहेत. किमान जर ते नियोजित आउटेज असेल तर त्यांनी आधीच कळवायला हवे होते.' या आउटेजबाबत नॅशनल पेमेंट्स कॉर्पोरेशन ऑफ इंडिया (NPCI) कडून अद्याप कोणतीही अधिकृत प्रतिक्रिया आलेली नाही. तसेच, UPI सेवा खंडित होण्यामागे तांत्रिक बिघाड हे कारण आहे की, सिस्टम अपग्रेड? हे स्पष्ट झालेले नाही.

हेही वाचा – तुम्ही तुमचा UAN विसरला आहात का? EPFO पोर्टलवरून 'अशा' पद्धतीने करा रिकव्हर

गेल्या एका वर्षात UPI सेवेतील हा सहावा मोठा आउटेज आहे. यापूर्वी जानेवारी, मार्च आणि ऑगस्टमध्येही काही तासांसाठी UPI सेवा विस्कळीत झाल्या होत्या. देशात डिजिटल पेमेंट सिस्टीम वेगाने वाढत आहे आणि दरमहा 1300 कोटींहून अधिक UPI व्यवहार होतात. अशा परिस्थितीत, वारंवार येणाऱ्या तांत्रिक समस्यांमुळे सामान्य जनतेला त्रास सहन करावा लागतो.