अभिमानास्पद! गीता आणि भरत मुनींच्या नाट्यशास्त्रचा युनेस्कोच्या जागतिक वारसा यादीत समावेश

World Heritage List: प्रत्येक भारतीयांसाठी अत्यंत अभिमानाची बातमी आहे. युनेस्कोच्या मेमरी ऑफ द वर्ल्ड रजिस्टरमध्ये भगवद्गीता आणि भरत मुनींचे नाट्यशास्त्र यांचा समावेश करण्यात आला. पंतप्रधान मोदींनी याबद्दल आनंद व्यक्त केला. जगभरातील प्रत्येक भारतीयासाठी हा अभिमानाचा क्षण असल्याचं मोदींनी म्हटलं आहे. गुरुवारी युनेस्कोच्या प्रसिद्धीपत्रकानुसार, युनेस्कोच्या मेमरी ऑफ द वर्ल्ड रजिस्टरमध्ये एकूण 74 नवीन नोंदी करण्यात आल्या आहेत, ज्यामुळे एकूण रेकॉर्ड केलेल्या संग्रहांची संख्या 570 झाली आहे. सोशल मीडिया प्लॅटफॉर्म X वर बोलताना पंतप्रधान मोदी म्हणाले की, दोन्ही धर्मग्रंथांचा समावेश हा सदाहरित ज्ञान आणि समृद्ध संस्कृतीची जागतिक ओळख आहे.

हेही वाचा – जागतिक वारसा दिनानिमित्त एएसआय स्मारकांवर मोफत प्रवेश

गीता आणि भरत मुनींचे नाट्यशास्त्राला हा सन्मान मिळाल्यानंतर पंतप्रधान मोदींनी म्हटलं आहे की, 'जगभरातील प्रत्येक भारतीयासाठी हा अभिमानाचा क्षण आहे! युनेस्कोच्या मेमरी ऑफ द वर्ल्ड रजिस्टरमध्ये गीता आणि नाट्यशास्त्राचा समावेश करणे ही आपल्या ज्ञानाची आणि समृद्ध संस्कृतीची जागतिक मान्यता आहे. गीता आणि नाट्यशास्त्राने शतकानुशतके संस्कृती आणि चेतनेचे पोषण केले आहे. त्यांचे अंतर्दृष्टी जगाला प्रेरणा देत राहतात.'

हेही वाचा – वक्फ कायद्यासंदर्भात सर्वात मोठी बातमी; नव्या वक्फ कायद्याला सुप्रीम कोर्टाकडून तूर्तास स्थगिती

दरम्यान, केंद्रीय मंत्री गजेंद्र सिंह शेखावत यांनीही सोशल मीडिया प्लॅटफॉर्म X वर याबद्दल प्रतिक्रिया दिली. त्यांनी म्हटलं आहे की, भारताच्या संस्कृतीच्या वारशासाठी हा एक ऐतिहासिक क्षण आहे. गीता आणि नाट्यशास्त्राच्या समावेशासह, आता युनेस्कोच्या नोंदणीमध्ये एकूण 14 नोंदी आहेत. श्रीमद्भगवद्गीता आणि भरत मुनींचे नाट्यशास्त्र आता युनेस्कोच्या मेमरी ऑफ द वर्ल्ड रजिस्टरमध्ये कोरले गेले आहे. हा जागतिक सन्मान भारताच्या शाश्वत ज्ञानाचा आणि कलात्मक प्रतिभेचा गौरव करतो.