‘उद्धव ठाकरेंनी विश्वासघात केला’

केंद्रीय मंत्री अमित शहा यांची जाहीर सभा नांदेड येथे आयोजित करण्यात आली होती. या सभेत अमित शहा यांनी नरेंद्र मोदी यांच्या नेतृत्वातील भाजप सरकाराने केलेल्या कामांचा लेखाजोखा मांडला. यावेळी अमित शहांनी काँग्रेसवर जोरदार हल्ला चढवला. तसेच भाजपसोबतची युती सोडून काँग्रेस-राष्ट्रवादी काँग्रेसशी हातमिळवणी केलेल्या उद्धव ठाकरेंवरही अमित शहा यांनी निशाणा साधला आणि त्यांना आपली भूमिका स्पष्ट करण्याचं आव्हान केलं आहे.

अमित शहा यांनी म्हटलं, महाराष्ट्राच्या जनतेला मी सांगू इच्छितो की, पक्षाचा अध्यक्ष असताना मी आणि देवेंद्र फडणवीस आम्ही दोघे मिळून उद्धव ठाकरेंना भेटायला गेलो होतो. त्यावेळी उद्धव ठाकरेंनी मान्य होतं की, जर बहूमत एनडीएला मिळालं तर भाजपचे देवेंद्र फडणवीस हे महाराष्ट्राचे मुख्यमंत्री होतील. पण जेव्हा निकाल आले तेव्हा उद्धव ठाकरेंनी आपलं आश्वासन तोडलं. सत्तेसाठी उद्धव ठाकरेंनी काँग्रेस-राष्ट्रवादीसोबत हातमिळवणी केली.

अमित शहा यांनी पुढे म्हटलं, मी उद्धव ठाकरेंना विचारू इच्छितो की, उद्धव ठाकरे हिंमत असेल तर तुमची भूमिका स्पष्ट करा की, तिहेरी तलाक हटवलं याच्याशी तुम्ही सहमत आहात की नाही. उद्धव ठाकरेजी राम मंदिर बनत आहे त्याच्याशी तुम्ही सहमत आहात की नाहीयेत?. उद्धव ठाकरेंना विचारू इच्छितो की, भाजपचे सरकार कॉमन सिविल कोड आणण्याचं बोलत आहेत तुम्ही आपली भूमिका स्पष्ट करा की, कॉमन सिविल कोड आणायला हवे की नाही. उद्धव ठाकरेंना विचारू इच्छितो की, मुस्लिम आरक्षण व्हायला नको अशी आमची मान्यता आहे.

धर्माच्या आधारावर आरक्षण होऊ शकत नाही, उद्धव ठाकरेंनी महाराष्ट्राच्या जनतेला सांगावे की मुस्लिम आरक्षण असायला हवे की नाही. उद्धव ठाकरेंना विचारू इच्छितो की, कर्नाटकात ज्यांचं सरकार बनलं आणि ज्यांचे तुम्ही सहकारी आहात ते वीर सावरकरांना इतिहासाच्या पुस्ताकातून मिटवू इच्छितात. याच्याशी तुम्ही सहमत आहात का? उद्धवजी तुम्ही दोन दगडांवर पाय ठेवू शकत नाहीत. महाराष्ट्राच्या जनतेसमोर मी ज्या-ज्या गोष्टी केल्या आहेत त्याचे उत्तर देऊन आपली भूमिका स्पष्ट करा असंही अमित शहा म्हणाले.