शिंदे गट दादरमध्ये नवे शिवसेनाभवन उभारणार

एकनाथ शिंदे गटानी पुढील लक्ष्य ठरवलं आहे. आता मुंबईच्या मध्यवर्ती भागातील दादरमध्ये नवं शिवसेना भवन उभारण्याचा मुख्यमंत्री एकनाथ शिंदे यांचा मानस आहे. लवकरच यासंदर्भातील पुढील पावलं उचलली जातील, अशी माहिती आहे.

दादरमध्ये आपल्या पक्षाचं प्रशस्त कार्यालय असावं, अशी एकनाथ शिंदे यांची इच्छा आहे. ते मुख्यमंत्री झाल्यापासून राज्यातील जनता त्यांच्यावर उदंड प्रेम करत आहेत. त्यांना आशीर्वाद देण्यासाठी, त्यांना समर्थन दर्शविण्यासाठी अनेक लोक त्यांना भेटत आहे. सर्वसामान्य नागरिक त्यांचे प्रश्न घेऊन ते एकनाथ शिंदे यांना भेटण्यासाठी मुंबईला येत आहेत. तसेच मुंबईकर नागरिक देखील आपल्या अडीअडचणी सांगण्यासाठी मुख्यमंत्र्यांच्या भेटीगाठी आहेत. अशा हजारो नागरिकांना भेटण्यासाठी मुंबईच्या मध्यवर्ती भागात एखादं प्रशस्त कार्यालय हवं, असा मानस एकनाथ शिंदे यांचा आहे. लवकरच त्या दिशेने पावलं टाकली जातील, अशी माहिती शिंदे गटातील आमदार सदा सरवणकर यांनी दिली आहे.

शिवसेनेची शाखा, शिवसेना भवन, शिवसेनालय हे सगळे शब्द शिवसेनेशी संबंधित आहेत. प्रस्तावित नव्या कार्यालयाच्या माध्यमातून सर्वसामान्य गोरगरिब जनतेचे प्रश्न सोडवले जातील. या कार्यालयाला काय नाव द्यायचं हे एकनाथ शिंदे ठरवतील, अशी माहितीही सदा सरवणकर यांनी दिली. दादर हा मुंबईचा मध्यवर्ती भाग आहे. याच ठिकाणी शिवतीर्थ आहे तसेच बाळासाहेबांचं स्मृतीस्थळ आहे. शिवसेनेच्या सहा दशकांच्या आठवणी या दादरशी, शिवाजी पार्काशी निगडित आहे. याच ठिकाणी शिंदे गटाचं नवं कार्यालय उभे करण्याच्या हालचाली आहेत.