‘सुटे पदार्थ जीएसटी मुक्तच’
पंचवीस किलोपेक्षा कमी वजनाच्या वस्तूंवर जीएसटी आकारणीवरून देशभरात नाराजी पसरलेली असताना आज केंद्रीय अर्थमंत्री निर्मला सीतारामन ट्विट करत जीएसटी आकारणीबाबत स्पष्टीकरण दिले. डाळी, कडधान्य, मोहरी, गहू, तांदूळ, ओट्स, पीठ, रवा, बेसन, कॉर्न, मुरमुरे, दही, लस्सी यासह अन्य काही पदार्थ सुट्टे विकले तरी त्यावर पाच टक्के जीएसटी आकारला जाणार नाही, असे स्पष्ट केले. पॅकिंग केलेले आणि लेबल लावलेले खाद्यपदार्थ आणि अन्नधान्य यांच्यावर पाच टक्के जीएसटी आकारण्याचा निर्णय २८ जून च्या जीएसटी कौन्सिलमध्ये एकमताने घेतला होता.
ज्या उत्पादनांचा पुरवठा पॅकेज केला जात आहे, त्यांच्यावर जीएसटी आकारला जाईल. दही, लस्सी यांसारख्या पदार्थांसाठी ही मर्यादा 25 लिटर आहे. याआधी तांदूळ, गहू, डाळी आणि पीठ ब्रँडचे असल्यास त्यावर ५ टक्के जीएसटी आकारला जात होता. पॅकेज केलेल्या आणि लेबल केलेल्या वस्तूंवर जीएसटी लागू होईल. दुसरीकडे व्यापारी जीएसटीच्या विरोधात झाले आहेत.
त्याच वेळी, अर्थमंत्र्यांनी माहिती दिली आहे की काही उत्पादने जी उघड्यावर विकली जातील आणि प्री-पॅक किंवा प्री-लेबल नसतील अशा उत्पादनांवर जीएसटी लागू होणार नाही. यामध्ये उघड्यावर विकल्या जाणार्या डाळी, गहू, राई, ओट्स, मका, तांदूळ, आटा, रवा, बेसन, लाय, दही आणि लस्सी यांचा समावेश आहे. म्हणजेच उघड्यावर विकल्यास या उत्पादनांवर जीएसटी लागू होणार नाही. त्याचबरोबर अर्थमंत्र्यांनी सांगितले की, हा निर्णय कोणा एका सदस्याचा नसून संपूर्ण जीएसटी परिषदेने घेतला आहे.
The @GST_Council has exempt from GST, all items specified below in the list, when sold loose, and not pre-packed or pre-labeled. They will not attract any GST. The decision is of the @GST_Council and no one member. The process of decision making is given below in 14 tweets. pic.twitter.com/U21L0dW8oG — Nirmala Sitharaman (@nsitharaman) July 19, 2022
जय महाराष्ट्र न्यूजवर ताज्या बातम्या आणि ब्रेकिंग न्यूज वाचा. अधिक माहितीसाठी भारताच्या बातम्या ब्राउझ करा.