Smriti Mandhana : "लग्न मोडलं" अखेर चर्चांना पूर्णविराम! स्मृती मानधनाने पोस्टद्वारे केला मोठा खुलासा
भारतीय महिला क्रिकेटर स्मृति मानधना सध्या तिच्या खासगी आयुष्यामुळे खूप चर्चेत आली आहे. लग्नाच्या एक दिवस आधीच तिचे आणि पलाश मुच्छल यांचे लग्न पुढे ढकलण्यात आले. त्यानंतर पलाशचे काही फ्लर्टी चॅट्स बाहेर आल्यानंतर सोशल मीडियावर मोठ्या प्रमाणात चर्चादेखील सुरु झाल्या. लग्न पुढे ढकलल्यानंतर स्मृतिने अद्याप कोणतीही प्रतिक्रिया दिली नव्हती मात्र मागे तिने केलेल्या एका पोस्टमुळे चाहते आश्चर्यचकित झाले होते.
कारण तिच्या बोटात साखरपुड्याची अंगठी दिसत नव्हती.त्यानंतर आता स्मृती मानधनाने तिच्या वैयक्तिक आयुष्याबद्दलच्या अनेक आठवड्यांपासून सुरू असलेल्या चर्चांना पूर्णविराम दिला आहे. टीम इंडियाचा स्टार खेळाडू स्मृती मानधनाने तिचं आणि संगीतकार/निर्माता पलाश मुच्छलच लग्न मोडल्याचं जाहीर केलं आहे.रविवारी एका इंस्टाग्राम स्टोरीद्वारे हे स्पष्टीकरण शेअर करण्यात आले, ज्यामुळे चालू असलेल्या अफवांना तिने पहिली प्रतिक्रिया दिली.
यावेळी तिने म्हटलं आहे की, "गेल्या काही आठवड्यांपासून माझ्या आयुष्याभोवती अनेक अटकळ बांधली जात आहेत आणि मला वाटते की सध्या मी बोलणे महत्त्वाचे आहे. मी एक अतिशय खाजगी व्यक्ती आहे आणि मी ते असेच ठेवू इच्छितो परंतु मला हे स्पष्ट करणे आवश्यक आहे की लग्न रद्द करण्यात आले आहे. मी हा विषय येथेच संपवू इच्छितो आणि तुम्हा सर्वांनाही असेच करण्याची विनंती करतो. मी तुम्हाला विनंती करते की कृपया यावेळी दोन्ही कुटुंबांच्या गोपनीयतेचा आदर करा आणि आम्हाला या घडलेल्या प्रकरणातून पुढे जाण्यासाठी थोडा वेळ द्या".
"मला विश्वास आहे की आमच्या सर्वांना आणि माझ्यासाठी एक उच्च उद्देश आहे जो नेहमीच सर्वोच्च स्तरावर माझ्या देशाचे प्रतिनिधित्व करत आला आहे. मला आशा आहे की मी शक्य तितक्या काळ भारतासाठी खेळत राहीन आणि ट्रॉफी जिंकत राहीन आणि तिथेच माझे लक्ष कायमचे राहील. तुमच्या सर्व पाठिंब्याबद्दल धन्यवाद. पुढे जाण्याची वेळ आली आहे". स्मृति मंधानाने चाहत्यांना, माध्यमांना आणि कुटुंबियांना मागचं सगळ विसरत पुढे जाण्यासाठी विनंती करत समर्थकांचे आभार मानत संदेश संपवला.
जय महाराष्ट्र न्यूजवर ताज्या बातम्या आणि ब्रेकिंग न्यूज वाचा. अधिक माहितीसाठी भारताच्या बातम्या ब्राउझ करा.