शिवजयंती दिवशी राजकोट मालवणमध्ये छत्रपती शिवाजी महाराजांच्या पुतळ्याची पायाभरणी

सिंधुदुर्ग जिल्ह्यातील राजकोट मालवण येथील छत्रपती शिवाजी महाराजांच्या पुतळ्याच्या उभारणीसाठी कार्याला वेग आला आहे. या पुतळ्याचे काम 15 एप्रिल 2025 पर्यंत पूर्ण करण्याची योजना आहे. विशेष म्हणजे, 19 फेब्रुवारी 2025 रोजी शिवजयंतीच्या दिवशी पालकमंत्री नितेश राणे यांच्या उपस्थितीत पुतळ्याच्या पायाभरणी कार्यक्रमाचे आयोजन करण्यात आले आहे.

या पुतळ्याची उंची 60 फूट असणार असून, त्यात छत्रपती शिवाजी महाराज तलवार घेऊन समुद्राच्या दिशेने रोखून उभे असणार आहेत. छत्रपतींच्या हातातील तलवारीची उंची 23 फूट असणार आहे. हा पुतळा समुद्र किनाऱ्यावर उभारला जात आहे, आणि त्याच्या संरचनेची विशेष काळजी घेतली जात आहे. पुतळ्याचे स्वरूप योद्ध्याचे असणार आहे, ज्यामुळे छत्रपती शिवाजी महाराजांच्या कर्तृत्वाचे प्रतीक ठरेल.

दुर्दैवाने, 26 ऑगस्ट 2024 रोजी छत्रपती शिवाजी महाराजांचा पुतळा दुर्घटनाग्रस्त झाला होता, त्यानंतर या पुतळ्याचा नव्याने उभारणीचा निर्णय घेण्यात आला. या पुतळ्याबाबत कोणतीही दुर्घटना घडू नये यासाठी ऑस्ट्रेलियन कंपनीच्या माध्यमातून विन्ड टनल ऍनालिसिस करण्यात येणार आहे. 200 किलोमीटर प्रतितास वेगाने जरी वारे वाहिले तरी पुतळा स्थिर राहील याची खात्री मिळवली जात आहे.

सावंतवाडी सार्वजनिक बांधकाम विभागाचे महेंद्र किनी यांनी याबाबत माहिती दिली की, पुतळ्याच्या उभारणीच्या कामासाठी सर्व आवश्यक तयारी पूर्ण करण्यात आली आहे आणि 15 एप्रिल 2025 पर्यंत पुतळ्याचे काम पूर्ण होईल अशी आशा आहे.