पंतप्रधान नरेंद्र मोदी यांच्या ‘एक्झाम वॉरियर्स’चे प्रकाशन
नॅशनल बुक ट्रस्टतर्फे ”एक्झाम वॉरियर्स’ या पंतप्रधान नरेंद्र मोदी यांच्या पुस्तकाची नवीन मराठी आवृत्ती तयार करण्यात आली आहे. या आवृत्तीचे प्रकाशन राज्यपाल भगत सिंह कोश्यारी यांच्या हस्ते गुरुवार दिनांक १९ जानेवारी रोजी सकाळी १०.३० वाजता राजभवन येथे झाले आहे. शालेय शिक्षण विभागातर्फे आयोजित या कार्यक्रमाला शालेय शिक्षण आणि मराठी भाषा मंत्री दीपक केसरकर, शालेय शिक्षण विभागाचे प्रधान सचिव रणजितसिंह देओल, विद्यार्थी तसेच निमंत्रित उपस्थित राहिले.
पंतप्रधान नरेंद्र मोदी यांनी लिहिलेल्या ‘एक्झाम वॉरियर्स’ या पुस्तकाचे उद्घाटन केल्यानंतर राज्यपाल कलराज मिश्रा म्हणाले की, हे पुस्तक केवळ विद्यार्थ्यांसाठीच नाही तर शिक्षक आणि पालकांसाठीही खूप महत्त्वाचे आहे. त्यांनी सांगितले की, पंतप्रधान मोदींनी हे पुस्तक मुळात मुलांना परीक्षेदरम्यान येणाऱ्या तणावावर लिहिले आहे. पण यामध्ये लाईफ मॅनेजमेंटवरही विशेष माहिती देण्यात आली आहे.
एनबीटी संचालक युवराज मलिक यांनी सांगितले की, शिक्षण मंत्रालयाच्या अंतर्गत नॅशनल बुक ट्रस्टने या पुस्तकाच्या आसामी, गुजराती, कन्नड, मल्याळम, मराठी, उडिया, पंजाबी, तमिळ, तेलगू, उर्दू इत्यादी भारतीय भाषांमध्ये आवृत्त्या प्रकाशित केल्या आहेत. ‘परीक्षा पे चर्चा’ या संवादाच्या उद्देशाने पंतप्रधान मोदींनी ते लिहिले आहे.
जय महाराष्ट्र न्यूजवर ताज्या बातम्या आणि ब्रेकिंग न्यूज वाचा. अधिक माहितीसाठी भारताच्या बातम्या ब्राउझ करा.