NCB ची मोठी कारवाई! मुंबईत 1,745 कोटी रुपयांचे कोकेन जप्त; अमित शाह यांची पोस्टद्वारे माहिती
मुंबई : केंद्रीय गृहमंत्री अमित शाह यांनी शुक्रवार, 1 मे 2026 रोजी एक्स पोस्टद्वारे नार्कोटिक्स कंट्रोल ब्युरोने (एनसीबी) मुंबईत 1,745 कोटी रुपये किमतीचे 349 किलोग्रॅम उच्च प्रतीचे कोकेन जप्त करून एका मोठ्या आंतरराष्ट्रीय अमली पदार्थ टोळीचा पर्दाफाश केल्याची माहिती दिली. यावेळी शाह म्हणाले की, “आम्ही अमली पदार्थांच्या टोळीला निर्दयपणे चिरडून टाकण्याचा निर्धार केला आहे.”
We are resolved to ruthlessly crush the narcotics cartel. The @narcoticsbureau has cracked down on a major international narcotics ring seizing 349 kgs of High-Grade cocaine worth Rs.1745 crore in Mumbai. This is a trailblazing example of bottom to top approach where the agency… — Amit Shah (@AmitShah) May 1, 2026
नार्कोटिक्स कंट्रोल ब्युरोने मुंबईत 1,745 कोटी रुपये किमतीचे 349 किलो उच्च प्रतीचे कोकेन जप्त करून एका मोठ्या आंतरराष्ट्रीय अमली पदार्थ टोळीचा पर्दाफाश केला आहे. हे ‘तळापासून वरपर्यंत’ या दृष्टिकोनाचे एक पथदर्शी उदाहरण आहे. जिथे एजन्सीने एका लहान खेपचा माग काढून एका मोठ्या नेटवर्कला जाळ्यात पकडले. या अभूतपूर्व यशाबद्दल एनसीबी टीमचे अभिनंदन,” असे ते म्हणाले. आंतरराष्ट्रीय दहशतवादी दाऊद इब्राहिमचा साथीदार आणि अमली पदार्थांचा तस्कर सलीम डोला याला तुर्कस्तानमधून भारतात आणल्यानंतर काही दिवसांनी ही जप्ती करण्यात आली आहे.
जय महाराष्ट्र न्यूजवर ताज्या बातम्या आणि ब्रेकिंग न्यूज वाचा. अधिक माहितीसाठी भारताच्या बातम्या ब्राउझ करा.