Bhwandi Fire News : भिवंडीतील रंगकाम कारखान्याला भीषण आग; अग्निशमन दल घटनास्थळी दाखल

भिवंडी : भिवंडी येथील रंगकाम कारखान्यात भीषण आग लागल्याची घटना शनिवार, ६ सप्टेंबर रोजी पहाटे समोर आली. आग भीषण स्वरुपात असून अग्निशमन दलाच्या गाड्या घटनास्थळी दाखल झाल्या असल्याचे समजते. ही आग विझवण्याचे प्रयत्न सुरू असून अद्याप यात कोणीतीही जीवितहानी नसल्याचे समोर येत आहे. 

कामतघर परिसरातून नोंदवलेली ही घटना अनंत चतुर्दशीच्या दिवशी घडली आहे. महाराष्ट्रातील मुंबईतील मालाड येथे एका फटाक्यांच्या दुकानात आग लागल्यानंतर दोन दिवसांनी ही आग लागली. या घटनेत कोणतीही जीवितहानी किंवा जखमी झाल्याचे वृत्त नाही, अशी माहिती मालाडचे सहाय्यक पोलीस आयुक्त (एसीपी) हेमंत सावंत यांनी एएनआयला दिली.

हेही वाचा : Ganesh Visarjan 2025: अनंत चतुर्दशीत मुंबई पोलिसांचा AIचा प्रयोग; विसर्जन ठिकाणी ड्रोन आणि हजारो सीसीटीव्हीने नजर

एसीपी हेमंत सावंत यांच्या मते, शॉर्ट सर्किटमुळे आग लागली. अग्निशमन दलाच्या मदतीने परिस्थिती नियंत्रणात आणण्यात आली. “हा मालाड पश्चिमेकडील सोमवारी बाजार परिसर आहे आणि येथे अनेक लहान दुकाने आहेत. ही आग एका फटाक्यांच्या दुकानात लागली. मालक परवानाधारक आहे आणि शॉर्ट सर्किटमुळे आग लागल्याचे दिसून येते,” असे एएनआयने पोलिस अधिकाऱ्याच्या हवाल्याने सांगितले.