Devendra Fadanvis Tweet: धर्मेंद्र प्रधानांच्या राजीनाम्यानंतर फडणवीसांचा दिल्ली दौरा चर्चेत; ‘एक्स’वरील पोस्टने वेधलं लक्ष
केंद्रीय शिक्षणमंत्री धर्मेंद्र प्रधान यांनी पदाचा राजीनामा सादर केल्यानंतर देशातील राजकीय वातावरण चांगलेच तापले आहे. या निर्णयानंतर महाराष्ट्राचे मुख्यमंत्री देवेंद्र फडणवीस तातडीने दिल्लीकडे रवाना झाल्याने विविध राजकीय चर्चांना उधाण आले आहे. आगामी काळात केंद्रातील राजकारणात काही महत्त्वाच्या घडामोडी घडणार का, याबाबत तर्क-वितर्क सुरू झाले आहेत.
दिल्ली दौऱ्यावर रवाना झाल्यानंतर देवेंद्र फडणवीस यांनी सोशल मीडिया प्लॅटफॉर्म ‘एक्स’वर धर्मेंद्र प्रधान यांच्या कार्याचा गौरव करणारी पोस्ट केली. आपल्या संदेशात त्यांनी प्रधान यांच्या शिक्षण क्षेत्रातील योगदानाचा उल्लेख करत, त्यांच्या नेतृत्वाखाली अनेक महत्त्वपूर्ण बदल घडल्याचे नमूद केले.
फडणवीस यांनी आपल्या पोस्टमध्ये म्हटले की, राष्ट्रीय शिक्षण धोरणाची प्रभावी अंमलबजावणी, परदेशात आयआयटींचा विस्तार, तसेच विविध भारतीय भाषांमध्ये प्रवेश परीक्षा उपलब्ध करून देण्यासारखे अनेक महत्त्वाचे निर्णय धर्मेंद्र प्रधान यांच्या कार्यकाळात घेण्यात आले. शिक्षण क्षेत्रात दीर्घकालीन परिणाम करणाऱ्या सुधारणांसाठी त्यांचे योगदान महत्त्वाचे असल्याचे त्यांनी अधोरेखित केले.
देश की शिक्षा क्षेत्र में कई महत्वपूर्ण सुधार करने का काम श्री धर्मेंद्र प्रधान जी इन्होंने किया. राष्ट्रीय शिक्षा नीति लागू करने में उनकी अहम भूमिका रही. पीएम श्री स्कूल, आईआईटी का विदेशों में विस्तार, प्रवेश परीक्षाओं का 19 भाषाओं तक विस्तार ऐसे कई सुधार उन्होंने किए.
व्यापक… https://t.co/W2BGjOcIn4 — Devendra Fadnavis (@Dev_Fadnavis) July 25, 2026
यासोबतच, व्यापक जनहित आणि पक्षाच्या भूमिकेचा विचार करून धर्मेंद्र प्रधान यांनी पदाचा राजीनामा दिला असून, भारतीय जनता पक्षाचा प्रत्येक कार्यकर्ता त्यांच्या पाठीशी ठामपणे उभा आहे, असेही फडणवीस यांनी आपल्या पोस्टमध्ये म्हटले आहे.
जय महाराष्ट्र न्यूजवर ताज्या बातम्या आणि ब्रेकिंग न्यूज वाचा. अधिक माहितीसाठी भारताच्या बातम्या ब्राउझ करा.