दुखापतीनंतर ममता बॅनर्जींची प्रकृती स्थिर

पश्चिम बंगाल, दि. १६ मार्च, २०२४, प्रतिनिधी : मुख्यमंत्री ममता बॅनर्जी यांची प्रकृती सध्या स्थिर असल्याचं समजत आहे. गुरुवारी संध्याकाळी त्यांच्या कालीघाट निवासस्थानी त्या पडल्या होत्या, त्यामुळे त्यांच्या कपाळाला आणि नाकाला दुखापत झाली होती. त्यांना तात्काळ रुग्णालयात नेण्यात आले, तेथे उपचार केल्यानंतर त्यांना घरी सोडण्यात आले. ममतांना बरे व्हावे आणि लवकर बरे व्हावे, अशा शुभेच्छा देत पंतप्रधान मोदींनी काल इन्स्टाग्रामवर पोस्टही केली होती. आज ममता बॅनर्जी यांनी पीएम मोदींच्या या पोस्टवर प्रतिक्रिया देत त्यांचे आभार मानले आहेत.

ममता यांच्या अपघाताबद्दल पोलिसांनी अद्याप कोणतीही तक्रार दाखल केलेली नाही. मात्र कालीघाट परिसरातील बॅनर्जी यांच्या निवासस्थानाजवळ आणि आसपास सुरक्षा वाढवली आहे.