किशोरी पेडणेकरांना ईडीचे समन्स

मुंबई, १९ जानेवारी २०२४, प्रतिनिधी : उद्धव गटाच्या समर्थक असलेल्या मुंबईच्या माजी महापौर किशोरी पेडणेकर यांना ईडीने अर्थात सक्तवसुली संचालनालयाने गुरुवार २५ जानेवारी रोजी चौकशीसाठी हजर होण्याचे समन्स बजावले आहे. चौकशीसाठी मुंबईच्या ईडी कार्यालयात हजर व्हावे, अशा स्वरुपाचे हे समन्स आहे. शव पिशव्यांची खरेदी अर्थात बॉडी बॅगच्या खरेदीतील घोटाळ्याप्रकरणी किशोरी पेडणेकर यांना ईडीने चौकशीला हजर होण्याचे समन्स बजावले आहे. याआधी रोहित पवारांना बुधवार २४ जानेवारी रोजी चौकशीसाठी मुंबईच्या ईडी कार्यालयात हजर होण्याचे समन्स बजावण्यात आले आहे.