शहीद पोलिसांना अभिवादन

मुंबई, २१ ऑक्टोबर २०२३, प्रतिनिधी : देशभरात कर्तव्य बजावताना धारातीर्थी पडलेल्या पोलीस दलातील अधिकारी, जवानांना स्मृतिदिनानिमित्त मुख्यमंत्री एकनाथ शिंदे, उपमुख्यमंत्री आणि गृहमंत्री देवेंद्र फडणवीस यांनी नायगाव येथील पोलीस मुख्यालयाच्या हुतात्मा मैदानावरील स्मृतिस्तंभावर पुष्पचक्र अर्पण करून अभिवादन केले.

मुख्यमंत्री शिंदे यांनी देशभरात वर्षभरात शहीद झालेल्या १५ पोलीस अधिकारी, १७३ पोलीस जवानांच्या माहितीच्या संदेशाचे वाचन करून श्रद्धांजली अर्पण केली. यानंतर मुख्यमंत्री आणि उपमुख्यमंत्री यांनी शहिदांच्या नातेवाईकांची भेट घेऊन त्यांचे सांत्वन केले.