तुर्भे येथील कंपनीला आग
तुर्भे एमआयडीसीमधील बालाजी कलर कंपनीला भीषण आग लागली. सकाळी ८ वाजण्याच्या सुमारास बालाजी पॉलीकोट्स या कंपनीत ही आग लागली. या आगीत एका कामगाराचा होरपळून मृत्यू झाला.
आगीमध्ये कंपनीतील रंगासाठी वापरलेल्या जाणाऱ्या केमिकलचे ड्रम पेट घेऊन फुटत होते. काही वेळातच ही आग बालाजी कंपनीच्या मागच्या बाजूलादेखील पसरली.
आगीची माहिती मिळताच एमआयडीसी आणि महापालिकेच्या अग्निशमन दलाने घटनास्थळी धाव घेतली. सुमारे सहा तासाच्या अथक प्रयत्नानंतर आगीवर नियंत्रण मिळवण्यात यश आले.
जय महाराष्ट्र न्यूजवर ताज्या बातम्या आणि ब्रेकिंग न्यूज वाचा. अधिक माहितीसाठी भारताच्या बातम्या ब्राउझ करा.